ბიჭის/გოგოს ფაფა | Girl/boy porridge

აჭარაში არსებობს ამგვარი ტრადიცია, როცა ქალი ბავშვს გააჩენს, პირველი რასაც მას ოჯახის წევრები საჭმელად მიართმევენ ბიჭის/გოგოს ფაფაა. მათი რწმენით, ფქვილისა და ერბოსგან გაკეთებული ცხელი ფაფა ქალს მოშუშებაში, ძალების მოკრებასა და რძის დაგროვებაში ეხმარება.

ერბო - 150 გრამი | Butter 150 gr
მარილი - 1 ჩაის კოვზი ან გემოვნებით | 1 ts salt
წყალი - 1 ლიტრი და 700 გრამი | 1 L and 700 ml water
პურის ფქვილი - 500 გრამი | Wheat flour 500 gr

ბიჭის/გოგოს ფაფა არის აჭარული კერძი და ასე მზადდება:

აადუღეთ წყალი, ჩაყარეთ მარილი, დაუმატეთ 30 გრამი ერბო. როცა ერბო და მარილი კარგად გაიხსნება გადმოდგით ქვაბი, დაიწყეთ ფქვილის ჩაყრა და ხელის ბლენდერით ურიეთ კარგად, მასა მიიყვანეთ შესქელებამდე და დადგით ისევ ღუმელზე, დაბალ ტემპერატურაზე, გააგრძელეთ ჩაზელა პიურეს საზელით, თან ნელ-ნელა დაუმატეთ ფქვილი. ფქვილი კარგად უნდა გაიხსნას და ფაფა ჩაშუშდეს (ფაფა შეგიძლიათ დატოვოთ თქვენთვის სასურველი სისქის, რადგანაც ბევრს უყვარს თხელი ფაფა). შემდეგ დაადნეთ ერბო, ადუღეთ ფერის შეცვლამდე. ფაფა ამოიღეთ თეფშებზე, შუაგულში გაუკეთეთ კოვზით პატარა ღრმული და ჩაასხით ერბო. შეგიძლიათ შაქარიც მოაყაროთ, ასეც გემრიელია.

გემრიელად მიირთვით!