Скачать или смотреть လပြည့်နေ့တိုင်း၂၇ခေါက်တိတိရွတ်ဆိုရသောရတနာရွှေမိုးငွေမိုးရွာဒိဝါတပတိဂါထာ

#ဒိဝါတပတိဂါထာအကြောင်းသိကောင်းစရာတစ်နေ့သောအခါ အရှင်အာနန္ဒာသည် အောက်ပါတင့်တယ်လှပမှုအလှ (၅) မျိုးကို မြင်တော်မူ၏။

၁။ မင်းဝတ်တန်ဆာ ရတနာများ ဝတ်ဆင်ထားသည်
ပသေနဒီ ကောသလမင်းကြီး၏ တင့်တယ်လှပမှု။

၂။ စျာန်သမာပတ်တွေဝင်စားနေသဖြင့် ရွှေအဆင်းကဲ့ သို့ ဝါဝင်းတင့်တယ်လှပတော်မူသည့်
အရှင် ကာဠုဒါယီ၏အလှ။

၃။ ညနေဆည်းဆာ အချိန်ခါ၌ အာကာဝေဟင် ထက် ကောင်းကင်က ထွက်ပြုစလမင်း၏ ညနေ ခင်းအစ
တင့်တယ်လှပမှုအလှ။

၄။ ညနေဆည်းဆာအချိန်အခါ၌ အာကာဝေဟင် ထက်ကောင်းကင်က
ဝင်တော့မည်ဆဲဆဲ နေမင်း၏
တင့်တယ်လှပမှုအလှ။

၅။ နေလဘုရင် ရှင်ရဟန္တာ တို့၏ တင့်တယ်လှပမှုထက် ပိုမိုတင့်တယ် လှပတော်မူသည့် မြတ်စွာဘုရား၏တင့်တယ်မှု အလှ(၅) မျိူးကို -

ရှင်အာနန္ဒာ တွေ့မြင်တော်မူသောအခါ ....

ရှင်တော်မြတ်ဘုရား တပည့်တော် အာနန္ဒာ တင့်တယ်လှပမှုအလှ (၅) မျိူး ကိုတွေ့ မြင်ရပါတယ် ဘုရား။

အဲ့ဒီ တင့်တယ်လှပမှု ငါးမျိုးတို့တွင် ရှင်တော်မြတ် ဘုရားသည် အတင့်တယ်ဆုံး အလှပဆုံး အတောက်ပဆုံး ဖြစ်ပါတယ်ဘုရား " ဟုအားပါတရ လျှောက်ထားပါတယ်။

ထိုအခါ မြတ်စွာဘုရားက အောက်ဖော်ပြပါ ဂါထာကို ဟောကြားတော်မူပါတယ် -

ဒိဝါတပတိ အာဒိစ္စော၊ ရတ္တိမာ ဘာတိ စန္ဒိမာ။

သန္နဒ္ဓေါ ခတ္တိယော တပတိ၊ စျာယီ တပတီ ဗြဟ္မဏော။

အထ သဗ္ဗမဟော ရတ္တိံ ဗုဒ္ဓေါတပတီ တေဇသာ။

ချစ်သား အာနန္ဒာ.....

၁။ နေမင်းဆိုတာ နေ့အခါမှာသာ တင့်တယ် တောက်ပ လှပနေနိုင်တယ်။

၂။ လမင်းဆိုတာ ညအခါမှာသာ တင့်တယ် တောက်ပ လှပနေနိုင်တယ်။

၃။ မင်းဆိုတာ အင်္ဂါလေးပါးနဲ့ ပြည့်စုံတဲ့ စစ်သည် များစွာခြံရံပြီး မင်းဝတ်တန်ဆာ ရတနာအလှ ဝတ် ဆင်မှသာ တင့်တယ်တောက်ပ လှပနိုင်တယ်။

၄။ ရဟန္တာ ဆိုတာ စျန် သမာပတ်တွေ ဝင်စားနေမှ တင့်တယ်တောက်ပ လှပနိုင်တယ်။

နေလဘုရင် ရှင်ရဟန္တာ

ထိုလေးဖြာတို့ရဲ့ တင့်တယ်တောက်ပမှူဟာ အချိန် ပိုင်းခြား ကန့်သတ်ချက်နဲ့ တင့်တယ်တောက်ပ လှပပါတယ် လို့ မှတ်သားထားလိုက်ပါ

ချစ်သော အာနန္ဒာ.....

၅။ မြတ်စွာဘုရားသည် " သီလ ဂုဏ ပညာ ပုည ဓမ္မ " ဆိုတဲ့ တန်ခိုး (၅)မျိူး ဖြင့် နေ့ရော ညပါ အခါခပ်သိမ်း အမြဲတစေ တင့်တယ်တောက်ပ လှပနေပါတယ်ဟု ပြောကြားပြုသည့်အဆုံး ဒီဂါထာတရား နိဂုံးမှာ များစွာ သိန်းသောင်း သတ္တဝါ အပေါင်းတွေဟာ သောတပန် စတဲ့ ပုဂ္ဂိုလ် တွေ ဖြစ်သွားကြပါတယ်။

(ဓမ္မပဒအဋ္ဌကထာ ဒု-၃၉၆+၃၉၇)
အဖွင့်

အခါတပါး ဘာတိက မင်းတရားကြီး သည် ပူဇော်မှုတစ်ခုပြုလို၍ မဟာစေတီဘုရား ပူဇော်ပွဲကြီး ပြုလုပ်နေတဲ့ အမတ်ကြီးတစ်ယောက်ကို ရတနာသုံးပါးမှ မလွတ်သော
တဂါထာတည်းနှင့် ရတနာသုံးပါးလုံးပါဝင်တဲ့ အောင်ခြင်းမင်္ဂလာဂါထာ တစ်ပုဒ် ရွတ်ဆို လိုက်စမ်းပါ
" အမတ်ကြီးဟု ပြောဆိုသော အခါ

ပိဋ္ဋကတ်သုံးပုံ အလုံးစုံတက်သိ ပညာရှိအမတ်ကြီးသည်

ဤ " ဒိဝါတပတိဂါထာ" ကိုရွတ်ဆို လျှောက်ထားလို၍....

၁။ ဒိဝါတပတိ အာဒိစ္စော (နေမင်းဆိုတာနေ့အခါ မှာသာတင့်တယ် တောက်ပ လှပပါ၏ ) ဟု့ ရွတ်ဆိုကာ ဝင်လု့ဆဲဆဲ နေကို လက်အုပ်မိုး ရှိခိုးလိုက်ပါတယ်။

၂။ ရတ္တိမာ ဘာတိ စန္ဒိမာ ( လမင်းဆိုတာ ညခင်းအခါမှသာ တင့်တယ်တောက်ပ လှပပါ၏ ) ဟု့ရွတ် ဆိုကာလမင်းကို လက်အုပ်ချီမိုး ရှိခိုးလိုက်ပါတယ်။

၃။ သန္နဒ္ဓေါ ခတ္တိယော တပတိ ( မင်းဆိုတာ မင်းဝတ်တန်ဆာ ရတနာအလှ ဝတ်ဆင်မှသာ တင့်တယ်တောက်ပ လှပပါ၏ ) ဟု့ ရွတ်ဆိုကာ ဘာတိကမင်းကြီးကို လက်အုပ်ချီမိုး ရှိခိုးလိုက်ပါတယ်။

၄။ စျာယီ တပတိ ဗြဟ္မဏော ( ရဟန္တာ ဆိုတာ စျာန်သမာပတ် ဝင်စားမှသာ တင့်တယ်တောက်ပ လှပပါ၏ )ဟု့ရွတ်ဆိုကာ မဟာစေတီဘုရား ပူဇော် ပွဲကြီး သို့ကြွလာကြတဲ့ ရဟန်းသံဃာ အပေါင်းတို့ ကို လက်အုပ်ချီမိုး ရှိခိုးလိုက်ပါတယ်။

၅။ ဗုဒ္ဓေါ တပတိ တေဇသာ ( မြတ်စွာဘုရား သည် တန်ခိုး ငါး မျိူး ဖြင့် အမြဲ နေ့ ည ထာဝရ သာ တင့်တယ်တောက်ပ လှပ ပါ၏ ) ဟု့ ရွတ်ဆိုကာ မဟာစေတီဘုရားကို လက်အုပ်ချီမိုး ရှိခိုးလိုက်ပါတယ်။

အရှင်မင်းကြီး ဒီဂါထာမှာ ........

၁။ ဗုဒ္ဓေါ ဆိုတဲ့ ပါဠိ ဖြင့် ဘုရား။

၂။ စျာယီ ဆိုတဲ့ ပါဠိ ဖြင့် အာရမ္မဏူပနိဇ္စုာန် ကို ယူအပ်သောကြောင့် တရား ရတနာ။

၃။ ဗြာဟ္မဏော ဆိုတဲ့ ပါဠိ ဖြင့် သံဃာ ရတနာကို ယူရသောကြောင့် ဒီတစ်ဂါတည်းနှင့် ရတနာသုံးပါးလုံးကို ပူဇော်ရာရောက်သောအောင်ခြင်းမဂွလာ အောင်ဂါထာဖြစ်ပါတယ် ဘုရား....

ဟု လျှောက်ထားသောအခါ.....

ဘာတိကမင်းကြီး လည်း သဘောတူ နှစ်သက်တော်မူသဖြင့် " ပညာရှိ အမတ်ကြီး သင် .မထိုင်နဲ့ဦး ...

လက်အုပ်ချီနေတဲ့ တန်ဖိုးရှိလှသော သင့်ရဲ့လက် ကိုအောက်မချလိုက်နဲ့ဦး " ဟုပြောဆိုရင်း...

အမတ်ကြီး ရဲ့ မြှောက်ချီထားတဲ့ လက်ထဲမှာအသပြာ ထောင်ထုပ် ကို ထားရှိကာ အသပြာ တစ်ထောင်...ဆုချတော် မူပါတယ်။

အဲ့ဒီအချိန်က စလို့ ဒီဂါထာ ဟာ ထောင်တန်ဂါထာ လို့လည်း အမည်ရပြီး နာမည်ကြီးခဲ့ပါတယ်။

လောကီ လောကုတ္တရာ ကျက်သရေမင်္ဂလာအောင် ခြင်းမင်္ဂလာ အဖြာဖြာနဲ့ ပြည့်စုံတဲ့

" သဗ္ဗဇယမင်္ဂလာ ဂါထာ " လို့ လည်း အမည် တစ်မျိူးထပ်တိုးကာ ရရှိလာပြန်ပါတယ်။

လောကီ လောကုတ္တရာ မင်္ဂလာအမျိူးမျိူး ချမ်းသာအမျိူးမျိူး ကောင်းခြင်းအမျိူးမျိူး ရာထူးဂုဏ် သိမ် အရှိန်အဝါ အမျိူးမျိူး အောင်ခြင်း အမျိူးမျိူး တိုးတက်ရရှိပြီး

ဘေးအတန်တန် ရန်အသွယ်သွယ် အန္တရာယ်မှန်သမျှကင်းဝေးလိုလျှင် အတင့်တယ်ဆုံး ကောင်းကျိူးတွေ
ရလာနိုင်သည် ဟု ပြောစမှတ် ရှိကြပါသည်။

#တရားတော် #