Ella任五月天演唱會嘉賓狂摸阿信 劉若英質問點解冇佢份

Ella任五月天演唱會嘉賓狂摸阿信 劉若英質問點解冇佢份

五月天世界巡迴演唱會嚟到武漢站，頭場就搵嚟Ella陳嘉樺擔任嘉賓，一向鬼馬嘅Ella，一定唔會放過呢個整蠱阿信嘅機會，當佢哋合唱完之外，Ella就話喺網上見到留言，有人叫佢一定要摸吓阿信嘅腹肌，摸住腹部嘅阿信疑惑地問：「你們確定我有腹肌嗎？」跟住Ella就用雙手不停摸阿信腹部，跟住失笑話阿信好可愛：「佢剛才稍微縮小腹一下。」

阿信曾經擔任S.H.E. MV嘅男主角，仲同Selina上演吻戲，Ella呢晚喺台上就話要重演呢一幕，不過佢就話其餘四人已婚，只得未婚嘅阿信可以任由佢處理，不過佢又突然醒起自己已婚，在旁嘅阿信都話：「我可以，你可以嗎？」兩人對話非常搞笑。

另一日嘅演出，就有同五月天老友鬼鬼嘅奶茶劉若英擔任嘉賓，不過奶茶就話擔任五月天嘅嘉賓壓力好大，因為佢回顧五月天巡唱嘅嘉賓，個個都實力非凡。阿信話其實隊中五人都需要心理建設同心理輔導，而奶茶一直就喺佢哋身邊擔任呢個角色，所以表面上好似係五月天為奶茶寫歌，其實私底下如果無奶茶陪伴，佢哋根本寫唔到歌，不過奶茶就質問：「點解Ella可以做健檢（摸腹肌），而我只能做心理輔導。」

#五月天 #世界巡迴演唱會 #武漢站 #嘉賓 #陳嘉樺 #劉若英 #摸腹肌 #阿信 #吻戲 #已婚 #心理建設 #心理輔導 #質問 #TVB #娛樂新聞 #TVB娛樂新聞台 #ENews #HKENews #香港娛樂八卦新聞 #八卦新聞

即刻Follow TVB 娛樂新聞台 Facebook專頁
  / tvbenews  

登入myTV SUPER享受睇TVB自製節目7日包括娛樂新聞的免費點播
https://bit.ly/2TXLlM0