Скачать или смотреть Top Channel/ Raportet për tërheqje nga Kosova, Osmani:”Ushtrinë amerikane e duam këtu”!

Mes raporteve të ditëve të fundit në disa media të rëndësishme se SHBA mund të reduktojë praninë ushtarake në Kosovë, presidentja Vjosa Osmani e bëri edhe një herë të qartë se kjo nuk duhet të ndodhë. Trupat amerikane këtu kanë një rëndësie tejet të vecantë, ishte mesazhi që Osmani i përcolli të ngarkuarës me punë në Ambasadën amerikane, Anu Prattipati.

Osmani theksoi gjatë takimit “rëndësinë e pranisë ushtarake amerikane dhe të aleatëve në kuadër të NATO-s si faktor kyç për stabilitetin”, si dhe nënvizoi se anëtarësimi i Kosovës në NATO mbetet objektiv strategjik për sigurimin e paqes afatgjatë, thuhet në njoftimin e Zyrës së Presidentes. Sa u përket kufizimeve të mundshme, një zyrtar i Pentagonitpohoi për REL javën e kaluar se “aktualisht nuk kemi për të njoftuar ndonjë ndryshim në dislokimin e forcave”.

Në Kosovë shërbejnë aktualisht në kuadër të misionit paqeruajtës të NATO-s, KFOR rreth 590 ushtarë amerikanë. Shqetësimet për një zvogëlim të mundshëm të pranisë amerikane u shtuan pasi gazeta amerikane Politico, duke cituar katër diplomatë të NATO-s, raportoi se SHBA-ja po kërkon nga aleatët që të kufizojnë angazhimet e saj jashtë vendit, përfshirë edhe misionin paqeruajtës te KFOR.

Kosova i konsideron jetike marrëdhëniet me Shtetet e Bashkuara të Amerikës, të cilat kanë qenë mbështetëset kryesorë të pavarësisë dhe procesit të shtetndërtimit të saj. KFOR-i është garantuesi i tretë i sigurisë në Kosovë, pas Policisë së Kosovës dhe misionit të Bashkimit Evropian për sundimin e ligjit, EULEX. Përveç detyrave të tjera, ky mision paqeruajtës është përgjegjës edhe për sigurinë në vijën kufitare ndërmjet Kosovës dhe Serbisë.

Pamje: AFP

Departamenti i Informacionit, më i madhi, më kryesori në Top Channel, i cili shënoi fillimin e televizionit me edicionin e lajmeve në 20 dhjetor 2001. Përmes informacioneve të shpejta, të sakta dhe të thelluara, reportazheve dhe rubrikave të tjera informative, Top Channel është kthyer në burimin kryesor dhe me prestigjioz të informimit të të gjithëve në Shqipëri, në hapësirën mbarëshqiptare dhe kudo tjetër në botë ku shqiptarët jetojnë. Top Channel është i pranishëm me kamerat dhe gazetarët e tij në të gjitha ngjarjet më të rëndësishme të vendit dhe në botë, me edicionet e tij informative.

Për më shumë vizitoni: http://top-channel.tv/

Subscribe to "Top Channel" on YouTube Channel for NEWS and TV
Shows HERE: http://bit.ly/2Y15KwK
For more content from click HERE: www.top-channel.tv
Like Top Channel on Facebook HERE: http://bit.ly/2FglWTs
Follow Top Channel on Instagram HERE: http://bit.ly/2uaYG2U
Follow Top Channel on Twitter HERE: http://bit.ly/2TJndeH
#VjosaOsmani#Kosove#TopChannelNews