Скачать или смотреть 810: 🐍 പാമ്പു കടിച്ചാൽ കൊടുക്കുന്ന മരുന്ന്(Anti Snake Venom)എപ്പോൾ എങ്ങനെ എത്ര?തുടങ്ങി 10 ചോദ്യങ്ങൾ

🐍 ആന്റി സ്നേക് വെനം (ASV) Anti Snake Venom എപ്പോൾ എങ്ങനെ എത്ര? തുടങ്ങി 10 ചോദ്യങ്ങൾ

1.വിഷമുള്ള പാമ്പ് കടിച്ചാലുടൻ (ASV) ആന്റി സ്നേക് വെനം കൊടുക്കണോ?
2. പാമ്പ് കടിച്ചാൽ കയ്യോ കാലോ കെട്ടേണ്ട ആവശ്യമുണ്ടോ?
3. ആന്റി സ്നേക് വെനം പാർശ്യഫലങ്ങൾ ഉണ്ടോ?
4. ആന്റി സ്നേക് വെനം കുട്ടികൾക്കും ഗർഭിണകൾക്കും കൊടുക്കാമോ ? ഡോസ് വ്യത്യാസം ഉണ്ടോ ?
5. രാജവെമ്പാല കടിച്ചാൽ 600 ml വിഷം ഉള്ളിൽ കയറുമോ?
6. പാമ്പു കടിച്ചാൽ വെനം (venom) ആണോ പോയ്സൺ (poison) ആണോ ?
7. Cobra (മൂർഖൻ) King Cobra (രാജവെമ്പാല) ഒരേ തരം പാമ്പാണോ?
8. പാമ്പുകൾക്ക് ചെവിയുണ്ടോ? കേൾക്കാൻ കഴിയുമോ?
9. പാമ്പ് കടിയേറ്റാൽ ഏതു പാമ്പാണെന്ന് അറിയേണ്ട കാര്യമുണ്ടോ?
10. ശംഖുവരയൻ എന്നൊരു പാമ്പുണ്ടല്ലോ.. അതിനെ വിവരിക്കാമോ?

⚠️ പാമ്പുകളെ എല്ലാർക്കും ഭീതിസ്വപ്‌നമാണ്‌. ഉരഗ വർഗത്തിൽപ്പെട്ട കൈകാലുകളില്ലാത്ത ജീവികളാണ്‌ പാമ്പുകൾ.പാമ്പിൻ വിഷം വിവിധതരം പ്രോട്ടീനുകളുടെ സങ്കീർണമിശ്രിതമാണ്‌. രക്‌തത്തെ ബാധിക്കുന്ന വിഷം (Haemotoxin), നാഡീവ്യൂഹത്തെ ബാധിക്കുന്ന വിഷം (Neurotoxin) എന്നിവയാണ്‌ പ്രധാന തരം വിഷങ്ങൾ.

🔴പാമ്പു കടി വിഷമുള്ളതാണോന്ന് എങ്ങനെ തിരിച്ചറിയാം ?

ആശുപത്രിയിൽ അതിനുള്ള പല ടെസ്റ്റുകൾ (SBCT,WBCT,BT,CT) ഉണ്ട്. ടെസ്റ്റുകൾ നോർമൽ ആണെങ്കിലും 12 മണിക്കൂറെങ്കിലും ഒബ്സെർവഷൻ നിർബന്ധമാണ്.

🔴മുറിവുണ്ടാക്കി രക്തമൂറ്റിക്കളയുക വഴി പാമ്പു വിഷം പുറത്തു പോകുമോ?

മുറിവുണ്ടാക്കുന്നതും തികച്ചും അബദ്ധമാണ്. മുറിവുണ്ടാക്കുമ്പോൾ ആ ഭാഗത്തേക്ക് രക്തയോട്ടം കൂടുകയും പെട്ടെന്ന് വിഷം ശരീരത്തിൽ പടരുകയും ചെയ്യും. പാമ്പിന്റെ വിഷം മുറിവുണ്ടാക്കിയാലും പുറത്തു പോകുകയില്ല.

🔴പാമ്പുകടിയേറ്റാൽ മുറിവേറ്റഭാഗത്തിനു മുകളിൽ ചരടുപയോഗിച്ച് കെട്ടുന്നത് ആളുകൾ സാധാരണയായി ചെയ്യാറുള്ളതാണ്. ഇത് ശരിയാണോ ?

മുറിവേറ്റഭാഗത്തിനു മുകളിൽ ചരടുപയോഗിച്ച് ശക്തിയായി കെട്ടുന്നത് പലപ്പോഴും ഉപകാരത്തെക്കാളേറെ ഉപദ്രവമാണ് ചെയ്യുന്നത്. ഇങ്ങനെ കെട്ടുമ്പോൾ ആ ഭാഗത്തേക്കുള്ള രക്തയോട്ടം നിലയ്ക്കുകയും പിന്നീട് ആ ഭാഗം മുറിച്ചുകളയേണ്ടതായും വരാറുണ്ട്.

🔴പാമ്പ് കടിച്ചാൽ എന്താണ് പ്രഥമശുശ്രൂഷ?

🎯പരിഭ്രാന്തരാകരുത്. കടിയേറ്റയാളെ പേടിപ്പിക്കരുത്. പേടിച്ചാൽ രക്തയോട്ടം കൂടും. വിഷം ശരീരത്തിൽ അതിവേഗം വ്യാപിക്കും. വിഷം ശരീരത്തിൽ പടരുന്നത് കുറയ്ക്കാനാണ് ശ്രമിക്കേണ്ടത്.

🎯കടിച്ചതിന്റെ തൊട്ടു മുകളിലായി അധികം മുറൂകാതെ കെട്ടുക. തൊലിയുടെ തോട്ടടിയിൽ ഉള്ള ലിംഫ് സിസ്റ്റവും (lymphatic system) ചെറിയ രക്തക്കുഴലുകളും (capillaries) വഴി പതുക്കെയാണ് വിഷം ശരീരത്തിൽ പടരുക. അത് തടയുകയാണ് വേണ്ടത്.

🎯കടിയേറ്റ ഭാഗം ഹൃദയത്തിനു താഴെവരുന്ന രീതിയിൽ പിടിക്കുക. ഇതിന് കാലോ കയ്യോ താഴ്ത്തിയിട്ടാൽ മതിയാകും. ഇത് വിഷം പടരുന്നത് കുറയ്ക്കും.

🎯മുറിവേറ്റഭാഗം നീരുവന്ന് തടിക്കാൻ സാധ്യതയുള്ളതിനാൽ ആഭരണങ്ങളും ഇറുകിയ വസ്ത്രവും അവിടെ നിന്ന് അഴിച്ചുമാറ്റണം.

🎯മുറിവ് കഴുകേണ്ട ആവശ്യമില്ല. കഴുകുന്ന സമയത്തു തേച്ചു കഴുകയാണെങ്കിൽ ആ ഭാഗത്തു രക്തയോട്ടം കൂട്ടാനും സാധ്യതയുണ്ട്.

🎯കടിയേറ്റയാളെ വിഷചികിത്സ ലഭ്യമായ തൊട്ടടുത്ത ആശുപത്രിയിലെത്തിക്കണം.

🔴എ.എസ്.വി (Anti Snake Venom) കുത്തിവെയ്പ്പ് എല്ലാപ്രായക്കാർക്കും ഒരുപോലെയാണോ?

എല്ലാര്ക്കും ഒരേ ഡോസാണ്. 8-10 യൂണിറ്റ് വരെയാണ് ആദ്യം സാധാരണയായി നൽകുക. ഇത് പ്രായമോ, ഭാരമോ അനുസരിച്ചല്ല. പാമ്പിന് അറിയില്ലലോ കടിക്കുന്നത് കുട്ടിയെയാണോ മുതിർന്നവരെയാണോ എന്ന്.

🔴എല്ലാ തരം പാമ്പുകളുടെ വിഷവും എ.എസ്.വി കൊണ്ട് മാറുമോ?

കേരളത്തിലുള്ള രണ്ടു വിഷപാമ്പിനൊഴിച്ചു (Hump Nosed Viper) മറ്റുള്ള എല്ലാ വിഷ പാമ്പുകൾക്കും എ.എസ്.വി വളരെ ഉപകരപ്രദമാണ്. Hump Nosed Viper (ചുരുട്ട) അത് പോലെ രാജവെമ്പാല (King Cobra). ലക്ഷണങ്ങൾ ചികിത്സിക്കുക സപ്പോർട്ടീവ് റ്റ്രീറ്റ്‌മന്റ്‌ ആണ് കൊടുക്കുന്നത്.

🔴 ഇന്ത്യയിൽ പ്രധാനമായും കാണപ്പെടുന്ന വിഷമുള്ള ഇനങ്ങൾ മൂന്ന് എണ്ണമാണ്:

1. Elapids ( മൂർഖൻ, രാജവെമ്പാല, ശംഖുവരയൻ ) neuro toxic ആണ് വിഷം. ഞരമ്പുകളെ ബാധിക്കുന്നു

2. Viperids (അണലി മൂന്ന് തരം russell’s viper, saw scaled viper, pit viper ) haemotoxic വിഷം രക്തം കട്ടി യാവുന്നതിനെ ബാധിക്കുന്നു

3. Hydropids ( കടൽ പാമ്പ്‌ ) myotoxic
വിഷം പേശികളെ ബാധിക്കുന്നു.
🔴 വിഷമുള്ള പാമ്പാണെങ്കിലും വിഷമില്ലാത്ത പാമ്പാണെങ്കിലും കൃത്യമായ വൈദ്യപരിശോധനക്ക് ശേഷം മാത്രമേ പിന്നീടുള്ള കാര്യങ്ങള്‍ തീരുമാനിക്കാന്‍ പാടുകയുള്ളൂ. വിഷമുള്ള പാമ്പ് കടിച്ചാലും മരണം സെക്കന്റുകള്‍ക്കുള്ളില്‍ സംഭവിക്കുന്നില്ല. അതുകൊണ്ട് തന്നെ പാമ്പ് കടിയേറ്റാല്‍ നമ്മള്‍ അല്‍പം ധൈര്യത്തോടെ പെരുമാറുന്നതിന് ശ്രദ്ധിക്കേണ്ടതാണ്. ഇത്തരത്തില്‍ നിങ്ങള്‍ അറിഞ്ഞിരിക്കേണ്ട ചില കാര്യങ്ങള്‍ ഉണ്ട്. അവ എന്തൊക്കെയെന്ന് വിവരിക്കാം.
🔴 പാമ്പിൻ വിഷത്തിൽ 20 ൽ കൂടുതൽ വ്യത്യസ്ത ഘടകങ്ങൾ അടങ്ങിയിരിയ്ക്കുന്നു..പ്രധാനമായും ചില എൻസൈമുകൾ, വിഷം (toxin ) തുടങ്ങിയുള്ള പ്രോട്ടീനുകൾ ആണ്.
വിഷം മൂലമുള്ള ലക്ഷണങ്ങൾ രണ്ട് ആയി തിരിയ്ക്കാം
1. ശരീരത്തിൽ മൊത്തം ബാധിക്കുമ്പോൾ ഉണ്ടാവുന്ന ലക്ഷണങ്ങൾ (systemic )
2. കടിയേറ്റ ഭാഗത്തെ മാറ്റങ്ങൾ (local )
അല്ലെങ്കിൽ കടിയേറ്റ ഭാഗത്തെ ലക്ഷണങ്ങൾ.
🔴 Asv ഉപയോഗത്തിന്റെ മാനദണ്ഡം
താഴെ കാണുന്ന ഒന്നോ അതിൽ കൂടുതലോ ആയ ലക്ഷണങ്ങൾ കാണുമ്പോൾ ആണ്.
⭐️കടിച്ച ഭാഗത്തു (Local causes)
1. കഴലയുടെ വേദനയോടെയുള്ള വീക്കം
കടിച്ച കാൽ അല്ലെങ്കിൽ കൈയുടെ പാതിയിൽ കൂടുതൽ ഭാഗത്ത്‌ വീക്കം ഉണ്ടാവുക
2. മണിക്കൂറുകൾക്കു അകം വേഗത്തിൽ വീക്കം വ്യാപിയ്ക്കുക
⭐️ജനറൽ ആയിട്ടുള്ള ലക്ഷണങ്ങൾ (Systemic causes)
3. രക്തസ്രാവവും രക്ത പരിശോധനയിൽ ഉള്ള വ്യതിയാനങ്ങൾ. 20WBCT, BT, CT ടെസ്റ്റ്. രക്തം കട്ടി ആവുന്നുണ്ടോ എന്നുള്ള ടെസ്റ്റ്.
4. ഞരമ്പ് തളർച്ചയുടെ ലക്ഷണങ്ങൾ
5. ഹൃദയ സംബന്ധമായ വ്യതിയാനങ്ങൾ, ഇസിജി യുൾപ്പടെ
6. വൃക്ക സംബന്ധിച്ച് വ്യതിയാനങ്ങൾ
വൃക്കയുടെ പ്രവർത്തനം അവതാളത്തിൽ ആവുക.
#DrDBetterLife #AntiSnakeVenom #AntiSnakeVenomTreatment
Dr Danish Salim
Dr D Better Life