Knarrarósviti

Vitaverðinum er heimilt að veita gestum leyfi til að skoða vitann á tímabilinu frá því að hálf stund er liðin frá sólaruppkomu þar til hálfri stundu fyrir sólarlag.
Gestir skulu áður en þeir fara inn í vitann, rita nöfn sín og heimili í gestabók vitans. Eigi mega koma þar fleiri en 3 gestir í senn. Skulu þeir, áður en þeir ganga upp í vitann, þurka vandlega af fótum sér á gólfmottunni. Bannað er að rita eða rispa nöfn eða annað á veggi eða rúður. Gæta ber og þess að enginn snerti við nokkru því, er til vitatækjanna heyrir. Gestirnir mega ekki í blautum utanyfirfatnaði né hafa með sér stafi, regnhlífar, svipur eða ann að því um líkt inn í vitann. Bannað er að reykja tóbak, svo og hrækja nema hrákdalla. Neftóbak má eigi hafa um hönd í ljóskerinu. Hundar og kettir mega ekki koma inn í vitann.
Ölvuðum mönnum og óhreinlega til fara er bannað að koma inn í vitann.
Einhver vitaþjónanna skal ávalt vera með gestunum í vitanum og ber honum að koma kurteislega fram við þá og skýra þeim frá öllu sem þeir óska um vitafærin, en um fram það er honum ekki heimilt að veita viðkomandi mönnum neina vitneskju um rekstur vitans.
Hverjum gesti ber að greiða vitaþjóninum 25 aura fyrir ómak hans.

Í stjórnarráði Íslands , 3 maí 1910

Björn Jónsson