Скачать или смотреть រឿង​រាមកេរ្តិ៍ ខ្សែទី៨ សង្ខេប | Reamkerti Part 8 | Khmer Story | Ros Veasna

ខ្សែទី៨៖ ព្រះរាមលើកទ័ពទៅដល់ក្រុងលង្កា ក្រុងរាពណ៍ក៏ទូងស្គរប្រមូលទ័ព ហើយបញ្ជាឲ្យពិភេកឲ្យ ទាយ​ពី​​​វាសនា​នគរលង្កា។ ពិភេកបានគន់គូរហើយ ក៏ស្នើក្រុងរាពណ៍ឲ្យយកនាងសីតាទៅថ្វាយព្រះរាមវិញ។ ពិភេក​បាន​ប្រដូច​រាពណ៍​ទៅ​នឹង​ក្អែក ដែលពាំកែវពិទូរសូរ្យកាន្តយកមកទុកឲ្យឆេះសម្បុក រួចប្រៀបធៀបទៅនឹងត្រីដែលស៊ីនុយ។ រាពណ៍​ខឹង​ខ្លាំង​ណាស់ ក៏​ដោះ​ស្បែកជើងវាយក្បាលពិភេក។ ពិភេកក៏រត់ទៅសុំចុះចូលនឹងព្រះរាម។ មុនដំបូង ព្រះរាមមិនទុកចិត្ត តែ​ជម្ពូពាន​ហោរា​បាន​ទាយ​ថាល្អ ហើយព្រះរាមក៏សុខចិត្ត។
រាពណ៍ខឹងនឹងពិភេក ក៏មកគិតគូរនឹងនាងមណ្ឌោគិរី។ នាងមានយោបល់ដូចពិភេកដែរ តែរាពណ៍មិនព្រមស្ដាប់ ក៏ធ្វើសង្គ្រាមតាមល្បិចដូចជាឲ្យយក្សឈ្មោះ រុក្ខសេនទៅយាមព្រៃ ដើម្បីកុំឲ្យទ័ពស្វាបេះផ្លែឈើស៊ីបាន។ ចម្បាំងក៏កើតមានឡើងរវាងទ័ពស្វា ដែលមានមេទ័ពឈ្មោះរុក្ខរក្ស និងទ័ពយក្ស ដែលមានមេទ័ពឈ្មោះរុក្ខសេន។ ទ័ពយក្ស និងទ័ពស្វាស្លាប់ទាំងអស់ ប៉ុន្តែមានយក្សមួយ រត់រួចខ្លួន ហើយទៅប្រាប់ក្រុងរាពណ៍ថា ហនុមានស្លាប់ព្រោះច្រឡំរុក្ខរក្សស្មានថាហនុមាន។
ក្រុងរាពណ៍ត្រេកអរយ៉ាងខ្លាំង ក៏ឲ្យគេលើឆ័ត្រជ័យពាសពេញអាកាស ដើម្បីឲ្យព្រះរាមដកទ័ព តែព្រះរាមថ្លែងសរកម្ទេច​ឆ័ត​្រទាំងនោះខ្ទេចខ្ទីរអស់។ រាពណ៍ភ័យក៏ប្រើល្បិចកលមួយទៀត គឺយកនាងសីតាហោះឡើងលើអាកាស បញ្ឈឺចិត្តព្រះរាម។ ដោយ​សារពិភេកប្រាប់ការពិត ព្រះរាមក៏សូត្រមន្តអាគមឲ្យក្រុងរាពណ៍ចុកពោះសន្លប់លើរាជរថ។
ព្រះរាមចាត់ឲ្យអង្គទយកសារទៅថ្វាយក្រុងរាពណ៍ ដើម្បីធ្វើសង្គ្រាម ប៉ុន្តែទំនាស់ក៏កើតមានឡើងរវាងអង្គទ និងពួកយក្ស ពីព្រោះពួកយក្សមានបំណងសម្លាប់អង្គទ។ ទៅទីបំផុត អង្គទ ទះក្រុងរាពណ៍មួយដៃសន្លប់ ហើយ​យក​មកុដ​ពេជ្រ​លើ​ក្បាល​រាពណ៍​រត់។ យក្ស៤នាក់ដេញតាម ក៏ត្រូវអង្គទវាយដាច់ក្បាល ហើយអង្គទយកដំណឹងនេះទូលថ្វាយព្រះរាម។
រាពណ៍បានចាត់ឲ្យកុម្ភការណ៍ចេញច្បាំងនឹងព្រះរាម កុម្ភការណ៍ស្នើឲ្យក្រុងរាពណ៍យកនាងសីតាទៅថ្វាយព្រះរាម​វិញ ដើម្បី​កុំឲ្យមានសង្គ្រាមពិបាកដល់រាស្ត្រ ពីព្រោះរឿងរ៉ាវទាំងនោះ កើតមកពីនាងសូរបនខាទៅចង់ប្រុសខុសច្បាប់។ រាពណ៍​ចោទ​ប្រកាន់​ថា កុម្ភការណ៍ខ្លាចស្វា បន្ទាប់មកកុម្ភការណ៍ក៏ដាច់ចិត្តចេញច្បាំង។
-------------------------------------------------------------------------------------------------------------------------
ដើម្បីមើលរឿងរាមាយណ ជាភាសាខ្មែរ បន្ថែមទៀត សូមចុចត្រង់នេះ    • រឿងរាមាយណ អធិប្បាយដោយ រស់ វាសនា  

សេចក្ដីពន្យល់សុភាសិត    • សេចក្ដីពន្យល់សុភាសិត Khmer Proverbs  

ដើម្បីមើលរឿងរាមាយណ ជាគំនូរជីវចលនិយាយភាសាអង់គ្លេស សូមចុចត្រង់នេះ    • រឿងរាមាយណៈ Ramayana รามายนะ  

សង្ខេបរឿងរាមកេរ្តិ៍ សូមចុចត្រង់នេះ    • រឿងរាមកេរ្តិ៍ សង្ខេប Reamkerti Summary  

វិភាគតួអង្គក្នុងរឿងរាមកេរ្តិ៍ សូមចុចត្រង់ នេះ    • រឿងរាមកេរ្តិ៍  វិភាគតួអង្គ Reamkerti-Chara...  

សំណេរតែងសេចក្ដីបែបពន្យល់    • សំណេរតែងសេចក្ដីបែបពន្យល់ Khmer Writing  

ចំណេះដឹង និងវប្បធម៌ទូទៅ    • ចំណេះទូទៅ General Knowledge  

-------------------------------------------------------------------------------------------------------------------------
Follow us on
YouTube Channel    / rosveasna  

Website: http://rosveasna.com/

Instagram: https://www.instagram.com/veasna_ros/...

Facebook Page https://www.facebook.com/TeacherVeasn...

-------------------------------------------------------------------------------------------------------------------------
នៅក្នុងឆែននែលនេះរួមមានដូចជា៖
សំណេរតែងសេចក្ដី
វេយ្យាករណ៍ខ្មែរ
អក្សរសិល្ប៍ខ្មែរ
ភាសាវិទ្យា
ភាសា​ខ្មែរ​សម្រាប់បរទេស
និងចំណេះទូទៅ
This Channel includes Khmer Literature, Khmer Writing, Khmer Grammar, Khmer Story, Khmer Linguistics, Khmer Language for Foreigner and General Knowledge.