Скачать или смотреть ព្រឹត្តិការណ៍ដ៏ធំអស្ចារ្យគ្រុឌគុនខ្មែរ! បោះជំហានជាលើកទីពីរ លើទឹកដីមហាអំណាចអាមេរិក

ជាមោទនភាពជាតិខ្មែរ! ភេសជ្ជៈប៉ូវកម្លាំង គ្រុឌ ដែលជាផលិតផលរបស់ក្រុមហ៊ុនកូនខ្មែរ ដែលមានម្ចាស់ភាគហ៊ុនជាជនជាតិខ្មែរ ១០០ ភាគរយ បានសហការយ៉ាងរឹងមាំជាមួយសហព័ន្ធប្រដាល់គុនខ្មែរ បន្តនាំយកព្រឹត្តិការណ៍គុនខ្មែរអន្តរជាតិ KRUD KUN KHMER TO USA 2 ទៅកាន់ទឹកដីមហាអំណាចសហរដ្ឋអាមេរិកជាលើកទីពីរ។ ព្រឹត្តិការណ៍នេះមិនត្រឹមតែបង្ហាញពីចំណងមិត្តភាពដ៏រឹងមាំប៉ុណ្ណោះទេ ថែមទាំងជាការបង្ហាញពីការរីកចម្រើននៃក្បាច់គុនបុរាណរបស់ខ្មែរនៅលើឆាកអន្តរជាតិផងដែរ។

បន្ទាប់ពីជោគជ័យដ៏ត្រចះត្រចង់នៃព្រឹត្តិការណ៍លើកទីមួយ ដែលបានបន្សល់ទុកនូវភាពអំណរសាទរយ៉ាងខ្លាំងដល់អ្នកស្នេហាវិស័យគុនខ្មែរទាំងក្នុង និងក្រៅប្រទេស លើកនេះ ព្រឹត្តិការណ៍ដ៏អស្ចារ្យនឹងបន្តធ្វើឱ្យពិភពលោកបានស្គាល់កាន់តែច្បាស់ពីភាពរុងរឿងនៃគុនខ្មែរ នៅទីក្រុងតាកូម៉ា រដ្ឋវ៉ាស៊ីនតោន។ វត្តមានរបស់កំពូលកីឡាករ កីឡាការិនីគុនខ្មែរចំនួន ៥ រូប រួមមាន ពេជ្រ សម្បត្តិ ឡៅ ចន្ទ្រា លន បញ្ញា ឡៅ ចិត្រា និងអេ យ៉ានុត គឺជាសក្ខីភាពដ៏រឹងមាំមួយទៀត ដែលបង្ហាញពីសមត្ថភាព និងទេពកោសល្យដ៏អស្ចារ្យរបស់កីឡាករខ្មែរក្នុងការប្រកួតប្រជែងនៅលើឆាកអន្តរជាតិ។

សូមរំលឹកថា ក្រុមហ៊ុន វឌ្ឍនៈ ដែលមានអ្នកឧកញ៉ា សំអាង វឌ្ឍនៈ ជាអគ្គនាយក បានបង្ហាញនូវចក្ខុវិស័យដ៏វែងឆ្ងាយ និងការប្តេជ្ញាចិត្តខ្ពស់ក្នុងការលើកស្ទួយកីឡាគុនខ្មែរឱ្យឈានទៅកាន់កម្រិតអន្តរជាតិ។ តាមរយៈការសហការជាមួយសហព័ន្ធប្រដាល់គុនខ្មែរ ក្រុមហ៊ុន វឌ្ឍនៈ បានដើរតួនាទីយ៉ាងសំខាន់ក្នុងការផ្សព្វផ្សាយវប្បធម៌ និងកេរ្តិ៍ឈ្មោះរបស់ប្រទេសកម្ពុជាឱ្យបានល្បីរន្ទឺនៅលើទឹកដីមហាអំណាចសហរដ្ឋអាមេរិកជាបន្តបន្ទាប់។

អ្វីដែលជាការកត់សម្គាល់ដ៏ពិសេសនោះ គឺអ្នកឧកញ៉ា សំអាង វឌ្ឍនៈ តែងតែផ្តល់ថវិកាផ្ទាល់ដល់កីឡាករ កីឡាការិនី គ្រូបង្វឹក និងក្រុមការងាររៀបចំការប្រកួតប្រដាល់ ដើម្បីលើកកម្ពស់ជីវភាព និងផ្តល់កម្លាំងចិត្តដល់ពួកគេក្នុងការបន្តអាជីព ក៏ដូចជាការឧបត្ថម្ភដល់កីឡាករ កីឡាការិនីគុនខ្មែរដែលបានចេញទៅប្រកួតនៅក្រៅប្រទេស និងសកម្មភាពកីឡាជាច្រើនផ្សេងទៀត។
ព្រឹត្តិការណ៍ KRUD KUN KHMER TO USA 2 មិនត្រឹមតែជាកម្មវិធីប្រកួតកីឡាដ៏អស្ចារ្យប៉ុណ្ណោះទេ ប៉ុន្តែវាក៏ជាឱកាសដ៏សំខាន់មួយក្នុងការបង្ហាញពីភាពរឹងមាំ វប្បធម៌ និងស្មារតីដ៏ខ្ពស់របស់ប្រជាជនកម្ពុជា ទៅកាន់មហាអំណាចសហរដ្ឋអាមេរិក និងពិភពលោកទាំងមូល។ នេះគឺជាជំហានដ៏សំខាន់មួយទៀត ក្នុងការលើកកម្ពស់មុខមាត់ប្រទេសជាតិនៅលើឆាកអន្តរជាតិ តាមរយៈកីឡាគុនខ្មែរ។

បងប្អូនអ្នកគាំទ្រគុនខ្មែរទូទាំងពិភពលោក នឹងមានឱកាសទស្សនាការផ្សាយផ្ទាល់នៃព្រឹត្តិការណ៍ប្រវត្តិសាស្ត្រនេះ នៅថ្ងៃទី ៣១ ខែឧសភា ឆ្នាំ ២០២៥ (ម៉ោងនៅអាមេរិក) ដែលត្រូវនឹងថ្ងៃទី ១ ខែមិថុនា ឆ្នាំ ២០២៥ វេលាម៉ោង ៧ ព្រឹក (ម៉ោងនៅកម្ពុជា) តាមរយៈកញ្ចក់ទូរទស្សន៍ BTV News និងផេកផ្លូវការរបស់ Krud Energy, Krud Beer, V-Active Sport, Krud Kun Khmer និង BTV News។
សូមកុំភ្លេចចូលរួមគាំទ្រ និងលើកទឹកចិត្តដល់ដំណើរដ៏ថ្លៃថ្លារបស់កំពូលកីឡាករគុនខ្មែរទាំង ៥ រូប ដែលកំពុងត្រៀមខ្លួនដើម្បីសាងស្នាដៃដ៏អស្ចារ្យនៅលើទឹកដីសហរដ្ឋអាមេរិក។
#គាំទ្រគុនខ្មែរជាមួយគ្រុឌ #គ្រុឌនាំគុនខ្មែរឲ្យកាន់តែល្បីលើឆាកអន្តរជាតិ