,,იასამანი" - კომპოზიტორი ნანა ბალახაშვილი და ნუცა მამარდაშვილი, ლექსი ანა კალანდაძის

ბათუმი, პიაცას მოედანი
სტუდიის სოლო კონცერტი
02.08.2021 წელი
იასამანი (ანა კალანდაძე , ნანა ბალახაშვილი)
შეხედე, ცაა ძალიან ლურჯი,
ძალიან ლურჯი, დაუსაბამო...
ცას შერევია თეთრი ღრუბელი,
ცამ ხვაშიადი რატომ დამალოს?
გადმოვფრინდები შენს ლურჯ რტოებზე,
გადმოვფრინდები, იასამანო!
ჩამოვფრინდები შენს ლურჯ რტოებზე,
ჩამოვფრინდები, იასამანო!
და მე ვუმღერებ შენს წვრილ ყვავილებს,
ო, მე ვიმღერებ მხოლოდ,
ისე უსაზღვროდ მინდა სიმღერა,
როგორც ამ ლურჯ ცას არა აქვს ბოლო,
ისე უსაზღვროდ მინდა სიმღერა,
როგორც ამ ლურჯ ცას არა აქვს ბოლო,
ყვავილი შენი ქარში ირხევა,
თეთრი ღრუბლები ტაატით დიან...
ნუ შეშფოთდები,ღრუბლებს თუ გავყვე,_
მინდა, ველურმა ქარებმა მდიონ!
შეხედე ცაა, ძალიან ლურჯი,
ძალიან ლურჯი, დაუსაბამო...
ცას შერევია თეთრი ღრუბელი,
მე... ხვაშიადი რატომ დავმალო?
და მე ვუმღერებ შენს წრილ ყვავილებს,
ო, მე ვიმღერებ მხოლოდ,
ისე უსაზღვროდ მინდა სიმღერა,
როგორც ამ ლურჯ ცას არა აქვს ბოლო,
ისე უსაზღვროდ მინდა სიმღერა,
როგორც ამ ლურჯ ცას არა აქვს ბოლო,
შეხედე, ცაა ძალიან ლურჯი,
ძალიან ლურჯი, დაუსაბამო...