Скачать или смотреть Rəqsanə İsmayılovanın həbsinin TƏFƏRRÜATI məlum oldu

Müğənni Rəqsanə İsmayılovanın həbs olunmasının təfərrüatı məlum olub. Pravda.az Milli.Az-a istinadən xəbər verir ki, müğənni iki il əvvəl Moskvada həbsdə olan azərbaycanlı iş adamını azadlığa buraxdıracağını vəd edərək dələduzluq əməlini törədib.

Belə ki, həmin iş adamının yaxınları Rəqsanə İsmayılovaya beş yüz iyirmi min dollar pul veriblər. Müğənni isə bu məbləğ qarşılığında Rusiyada həbsdə olan iş adamını azadlığa buraxdıracağına söz verib. Lakin iki il keçməsinə baxmayaraq, həmin şəxs azadlığa buraxılmayıb.

Daha sonra onun yaxınlarının şikayətindən sonra cinayət işi başlanıb və Rəqsanə İsmayılova həbs olunub.

Qeyd edək ki, Rəqsanəyə qarşı Cinayət Məcəlləsinin yüz yetmiş səkkizinci maddəsinin dördüncü bəndi (dələduzluq - xüsusilə külli miqdarda törədildikdə) ilə cinayət işi açılıb. Bu maddənin sanksiya həddində on ildən on dörd ilədək azadlıqdan məhrum etmə cəzası nəzərdə tutulur.

Amma dələduzluq cinayətində dəymiş ziyanın tam ödənilməsi və dövlət rüsumunun ödənilməsi vəziyyəti dəyişə bilər. Belə olan halda cinayət işinə bəraətverici əsaslar olmadan xitam verilə bilər.

Xatırladaq ki, Rəqsanə İsmayılova vətəndaşların otuz beş min manat dəyərində qızıl-zinət əşyalarını və beş yüz iyirmi min ABŞ dolları məbləğində pulunu dələduzluq yolu ilə ələ keçirməkdə ittiham edilir. Müğənni barəsində dörd ay müddətinə həbs qətimkan tədbiri seçilib..
.....
#pensiyalar #xəbər #xəbərlər