Скачать или смотреть “Sa Likod Ng Mga Taludtod" - Astrild Lee Littérateur (Angela Grace)

#SpokenWordPoetry
#PanitikangFilipino
#MonthsaryCelebrationAsAWriter

Ngayong araw ay isang paggunita—isang paglingon sa panahong una akong humakbang palabas sa pagsusulat, mula sa anino ng mga pahinang ako lamang ang nakakabasa. Hindi madali ang ilantad ang sarili—hubad, walang pag-aalinlangan—sa harap ng mga matang maaaring humusga.

Ngunit sa araw na ito, muli akong nagsulat at nagsatinig ng tula—hindi lamang para sa aking sarili, kundi para rin sa mga kapwa kong manunulat.

Sa bawat salitang ibinubuhos ko, sumasalamin ito sa aking paglalakbay at pamumuhay—sa loob at labas ng mundo ng panitikan at pagiging manunulat.

Maraming salamat sa mga taong aking nakilala, nakasalamuha, at naging kaibigan. Sa mga patuloy na sumusuporta noon at ngayon—taos-puso ang aking pasasalamat.

Padayon lang sa pagsusumikap. Pasasaan ba’t darating din ang tagumpay sa tamang panahon.

Samahan ninyo akong panoorin at damhin ang aking spoken word poetry—“Sa Likod ng mga Taludtod.” YouTube Account: Astrildlee08.

—Astrild Lee Littérateur (Angela Grace)