MC張天賦紅館演唱會訪問︱頭場唱《單車》刪talk位不談亡父 MC：好多嘢放在心中就夠，唔想變消費 「好驚、好慌」四連多謝感激入場歌迷 坦認不滿前半段表現（

除了 CLS，亦歡迎你用 Super Thanks 支持我哋繼續用心製作🫶
有你哋支持，我哋會走得更遠

1. 喺 YouTube 影片下方（即係Like Dislike的一行）點選「超級感謝」（Super Thanks）；
2. 選擇你想支持嘅Super Thanks金額，目前有：$HKD10、$HKD25、$HKD50、$HKD250四種選項；
3. 透過 App Store/Google Pay 來使用信用卡或預付卡購買，成功後畫面上會出現一個感謝的小動畫；
4. 而成功購買後，喺留言處亦會用彩色來凸顯你的留言，也會顯示你贊助的金額。

多謝你支持娛壹！☺

歌手MC張天賦昨晚舉行首次個人紅館演唱會「This is MC演唱會」，除了自己歌，亦唱了李榮浩《喜劇之王》、陳蕾《凡星》、方大同《黑白》、周杰倫《以父之名》、陳奕迅《六月飛霜》及《單車》、張敬軒《青春常駐》，豐富了歌單。

他在演唱會上不斷自抽身高，又播了一條騷肌片，慢慢脫掉外套展示手臂肌肉和紋身，一邊以磁性聲音說：「MC就只係咁？係成日遲到，係大牌，係playboy，係矮，係普通MK仔；係唱下pop song，係冇咩深度。就係被質疑過，我先重新認識真正嘅我。未被定義，咩都想試。MC…唔會只係得咁多。This is me。This is MC。」講到「係矮」一句，現場爆出尖叫聲，肌肉填滿大屏幕也令賦二代大叫。最後一shot只見他頸後紋上一字樣：This is MC。

MC在演唱會尾聲時一連四句多謝，向入場歌迷致謝，他說開騷前壓力大失眠，會擔心演出細節及身體狀況：「好驚，好慌。但經常今晚會好啲，見到大家嘅反應，你哋成就咗我第一個紅館演唱會。而家未必係最好MC，但我會不斷認識、改善自己，令自己不斷進步。」

頭場演唱會在沒有encore下結束，唱到晚上11點就散場，MC受訪時透露：「導演都有傾話加一個，但我話如果plan咗入去就唔係真encore，如果係真encore有意義好多，唔想整個假rundown出嚟。」

對於頭場演出，MC坦言缺乏安全感，對前半段表現不滿意，體驗了多個第一次，他說：「我啲壓力係湧出嚟，經過今次相信之後會好啲。」直至演唱會中段，他才開始鎮定望到四周：「見到好多燈牌、有熟悉嘅朋友嚟睇騷。」MC越唱越投入，走到台邊與歌迷碰拳擊掌，訪問時仍帶點興奮：「導演冇叫停，我都有諗住靜靜雞咁樣做，點可以唔握呀！以前睇騷見人握手，到自己喺台上面係截然不同嘅感覺嚟。」

全晚唯一嘉賓是《造星》時期的B4組兄弟，MC說一發出邀請所有人都很快答應，他又多謝幾位兄弟：「呢個係非常之感觸嘅一part，好多人認識我都係透過電視節目，佢哋都係並肩作戰嘅兄弟，可以邀請到佢哋一齊上台係好感動，同佢哋分享呢個舞台好開心。」

昨晚歌單上亦有講父愛的《單車》，MC透露原本導演都有問想不想要時間分享，但他說：「我覺得好多嘢都喺我嘅歌入面講咗，喺我角度都好似消費緊呢樣嘢，所以都係放入心中就夠。」

MC以「自殺式歌單」形容今次陣容，好擔心演到中途失聲，好彩賦二代一直打氣，尤其是收到好多食物，但仔說：「有好多提子、糖，最肥又唔食得嘅嘢！」今次感受最深的是壓力令人唔安、瞓唔落，MC又說：「平時我好鍾意食嘅鮑魚，都擺咗喺度冇食到，我一完騷就會瘋狂食，嗰罐鮑魚留住先啦。」

#MC張天賦 #張天賦演唱會 #娛壹


你的支持❤讓我們得以繼續前行🙌
請訂閱《娛壹》Patreon：
https://bit.ly/3hZtP25