Скачать или смотреть Wayang Golek GH3 Arimbi Gugat (Video Live, 2010) - H. Asep Sunandar Sunarya

Tema : Upaya Pelestarian Kesenian Wayang Golek Melalui Media Sosial.
Pagelaran ieu mangrupakeun rékaman vidéo panggung Giriharja 3 pingpinan Ki Dalang H. Asép Sunandar Sunarya waktu ngagejrak di Kampung Waas Desa Sukasari Kecamatan Pameungpeuk Kabupaten Bandung, Juli 2010, pas waktuna keur Kajuaraan Sepak Bola Piala Dunia 2010.

Dina pagelaran ieu, dalang H. Asep Sunandar Sunarya nyandak putrana nyaéta Yogaswara Sunandar Sunarya nu harita nembé lulus lebet ka Unpad. Nyelangan ramana sakedap dina adegan buta gelut jeung para panakawan saperti Cépot & Dawala. Harita dalang H. Asep Sunandar nuju kaserang flu.

Mung pasti para wargi aya nu "protés" atawa ngarumas, naha ngamérana dina panggung sanés di payuneun jajantur saperti biasa. Neda tawakupna waé da kénging vidéona kieu.
======================
Sinopsis Awal Carita :
Carios Arimbi Gugat ieu seueur vérsi judulna, diantarana Kresna Malang Déwa, Kresna Murka, Rebutan Bénténg Kikis, Gatotkaca Gugat, jeung sajabana. Intina nu ngawasa Karajaan Pringgandani nyaéta Ratu Arimbi ngagugat karajaan Pringsendani nu kiwari dikawasa ku Aria Kebo Ijo salaku pejabat nu dibéré mandat ku Prabu Nalakasura pikeun ngurus Pringsendani.

Pringsendani téh asup ka kawasaan Karajaan Trajutisna nu dirajaan ku Prabu Nalakasura, mitohana Sutija. Sutija téh putrana Batara Kresna. Wewengkon pringsendani téh aya sabagéan nu asup ka wilayah Pringgandani, diwates ku Bénténg Kikis Tunggarana.

Ratu Arimbi ngutus palaputrana nyaéta Gatotkaca, Anterja, Jayakatwang ka Trajutisna nungtut wewengkon Pringsendani nu asup ka wewengkon Pringgandani. Tapi Sutija teu mikeun kitu waé Pringsendani ka pihak kulawarga Pringgandani. Tidinya der campur perang antara kulawarga Pringgandani jeung Sutija saparakanca. Carios lengkepna mah mangga bandungan dugi ka réngsé. Cag!