شيلة قلّ الظهور كلمات الشاعر فهد قطنان اداء المنشد ياسر دخيل الله

يبن عمي كل حاجه لها باب وجواب
ركب الدله على النار وتزين الامور

ولاتعاتبني وتشره على طول الغياب
ولا على قل القصايد ولا قل الظهور

ودي اني كل يومين اسويلي كتاب
بس احس الشعر ماهو على قد الشعور

لابغيت الشعر جف البحر والقاف شاب
ودي اسوي قصيده على كل البحور

خاطرً ضايق وفرقً مخالطها عتاب
لي ثلاث ايام وانا مغير اصرف شطور

المحبه مثل رحلة ذهاب بلا اياب
الله يقلع دابرتها دبورً في دبور

والفراق اللي منوّل نحسبنه سراب
كان مثل البندق الزينه اللي ماتثور

صرت احسب ايامه الين ضيعت الحساب
غيبت ابو يوم يومني صارت بالشهور

والهنوف اللي حوت كل مالذا وطاب
واعدتني ماتفارقني ليوم النشور

العبت فينا المقادير يامال الذهاب
بار فينا الوقت ولا اعرفها ماتبور

علمتني كيف اقرّ ان فرقاها عذاب
وانا ماكنت التفت زين من قوّ الغرور

عقبها ماعدني يم تلعات الرقاب
ولا يمّ شفاه حمرا ويم عيون حور

كلً يقول ان قلبي من العشق استصاب
يلعنون بليس واقول مال بليس شور

مستحيل اتوب عنها لو ان بليس تاب
والله لالي دور ولا بعد لبليس دور

صار فيني عوجت الشايب اللي مايهاب
اللي كل مازل زله يقولن معذور

عقلي يقول ان ربي شديدً بالعقاب
ونفسي تقول ارتح الله غفور الله غفور