Скачать или смотреть "Turashimiye aba CNDD-FDD babaye abambere mu gushira Imana imbere. Ese vyorama!" Mgr Simoni Ntamwana

Musenyeri Mukuru wa Diyoseze Nkuru ya Gitega Mgr Simoni Ntamwana arashima ko abagumyabanga ba CNDD-FDD bashize Imana imbere ati: "Imana ntiyigeze ihemuka na rimwe, uko yabakoreye ivyiza kuva kera, twizere ko izobandanya ibikora kandi ikabikorera Uburundi bwose. Sinobura kubashimira mwebwe mwashatse ko uyu mugambwe ushira imana imbere, kandi mukavyiyumvira ibere y’abandi bose. Ese vyorama ! Amadini mwoba murimwo yose, mukama musonera Imana ! » Si ivyo gusa. Yabukije ko abagumyabanga badashoshobora gukunda Imana badakunze abarundi. Aremanga ko higeze kuba igihe abarundi bamana intekera ku mutwe, hakagira igihe umugambwe CNDD-FDD ubitorera umuti, abarundi bagatekana, kandi bikaba bishimwa cane nkuko yabishikirije. Ariko agasaba abagumyabanga ko uko gushimwa bitobatera ubute kuko urugendo rukiri rurerure. Yongeye ati : « Umukama aciye ku ndongozi z’igihugu cacu , yaratubohoye ivyari bituboshe bitari bike. Ariko nubu arashaka gushigwa adushikanye kw’iteka, umwidegevyo n’amahoro vyuzuye, kandi tukaramuka dushize mu ngiro inyigisho za CNDD-FDD, Imana ikatwama imbere, nta cobuza igihugu kironka amahoro asumbirije. »