Скачать или смотреть Жас сарбаздарға қару-жарақ түрлері таныстырылды

Сарыөзек гарнизонындағы 12740 әскери бөлімінде Отан алдындағы қасиетті борышын өтеуге келген жас сарбаздарға қару-жарақ түрлері мен байланыс құралдары таныстырылды.
Бөлімнің тәжірибелі офицерлері мен нұсқаушылары сарбаздарға атыс қаруларының құрылымы, техникалық сипаттамалары мен қауіпсіздік ережелерін егжей-тегжейлі түсіндіріп, оларды қолдану тәсілдерін тәжірибе жүзінде көрсетті.
Сонымен қатар, байланыс құралдары мен радиостанциялардың жұмыс істеу қағидалары, оларды әскери жағдайда тиімді пайдалану жолдары да түсіндірілді.
Іс-шара барысында сарбаздар қару-жарақ түрлерін қолмен ұстап көріп, байланыс құралдарының жұмысын іс жүзінде сынап көру мүмкіндігіне ие болды. Бұл олардың әскери қызметке деген қызығушылығын арттырып, ұжымдық рух пен жауапкершілік сезімін күшейтті.