Скачать или смотреть VIZITA OFISIAL PRIMEIRU-MINISTRU IHA COVALIMA

📺 LIVE STREAMING SMNEWS TIMOR | 11 MARÇO 2026
VIZITA OFISIAL PRIMEIRU-MINISTRU IHA COVALIMA

Governu kontinua intensifika preparativu ba implementasaun desentralizasaun administrativa iha nivel Munisípiu, inklui preparasaun ba eleisaun Kámara Munisipál ne’ebé planeia atu realiza iha tinan 2027, ho objetivu atu hakbesik liután servisu públiku ba sidadaun sira no reforça governasaun lokal.

Iha kontestu ida ne’e, Primeiru-Ministru, Kay Rala Xanana Gusmão, Quarta -Feira (11/03), kontinua hala’o vizita servisu iha Munisípiu Covalima, hodi atualiza no avalia diretamente nivel prontidaun administrasaun munisipál nian atu simu desentralizasaun administrativa plena no prepara ba eleisaun Kámara Munisipál iha 2027.

Vizita ne’e mos envolve enkontru ho autoridade lokal sira no verifikasaun infraestrutura no rekursu umanu, hodi asegura prosesu tranzisaun ba sistema governasaun lokal ne’ebé efetivu no sustenável.

🎥 Akompaña LIVE STREAMING liu husi SMNEWS Timor ba kobertura kompleta vizita ofisial ne’e.