Скачать или смотреть Klan News-Barcelona dyfishon taksën e turizmit

Pushimet në Barcelonë pritet të kushtojnë shumë më shtrenjtë nga prilli i këtij viti.
Parlamenti miratoi ligjin e ri që dyfishon taksën e turizmit, duke e çuar atë në shifra që variojnë nga 10 deri në 15 euro për natë, në varësi të kategorisë së hotelit.
Për një çift që zgjedh një hotel me katër yje, kostoja shtesë për vetëm dy netë qëndrim do të shkojë deri ne 11 euro per person. Ata që preferojnë luksin e hoteleve me pesë yje do të përballen me tarifën maksimale prej 15 eurosh, ndërsa turistët e kroçerave do të vazhdojnë të paguajnë rreth 6 euro.
Në rrugët e qytetit, reagimet e turistëve janë të ndara.
"Nëse këto para shkojnë për të përmirësuar jetën e banorëve dhe për të menaxhuar turmat, atëherë është diçka pozitive."
"Kjo rritje është e tepërt. Herën tjetër do të mendohem mirë para se të zgjedh Barcelonën, pasi kostot po bëhen të papërballueshme."
Ky vendim vjen si përgjigje ndaj protestave të shumta të banorëve lokalë, të cilët ankohen se turizmi masiv ka rritur çmimet e qirave dhe ka vështirësuar jetesën.
Sipas ligjit të ri, një e katërta e të ardhurave nga kjo taksë do të përdoret direkt për të financuar strehimin social dhe banesat e përballueshme për qytetarët e Barcelonës.
Bashkia e qytetit ka marrë edhe masa të tjera radikale, duke planifikuar ndalimin e plotë të Airbnb deri në vitin 2028.



SUBSCRIBE to "RTV KLAN" on YouTube for more videos!
Për më shumë informacione vizitoni faqen tonë web https://tvklan.al/kategoria/klan-news/
Follow Klan News on Facebook:   / klannews  
Follow @klannews on Instagram:   / tvklannews  
#KlanNews #KlanNewsLajme #TvKlan