Скачать или смотреть മുത്തുപ്പാറ മഖാം muthuppara maqam Faizal manjeri

മുത്തുപ്പാറ മഖാം muthuppara maqam Faizal manjeri മുത്തുപ്പാറ മഖാം
കാസർകോഡ് ജില്ലയിലെ ചീമേനി പഞ്ചായത്തിൽ ചാനടുക്കം എന്ന സ്ഥലത്ത് സ്ഥിതി ചെയ്യുന്ന അതിപുരാധനമായ മഖാമാണ് മുത്തുപ്പാറ മഖാം.

ഈ മഖാം സിയാറത്ത് ചെയ്യാൻ വേണ്ടി ഇറങ്ങിയതാണ് ഞാൻ.

ചാനടുക്കം ടൗണിൽ നിന്ന് 100 മീറ്റർ കാക്കടവ് ഭാഗത്തേക്ക് സഞ്ചരിച്ചാൽ റോഡിൻ്റെ വലത് ഭാഗത്തായി ഇങ്ങനെ ഒരു കവാടം കാണാം

ഞാനെൻ്റെ വണ്ടിവലത്തോട്ട് തിരിച്ചു.
ഇതിലൂടെ ഒന്നേകാൽ കിലോമീറ്റർ സഞ്ചരിക്കണം മഖാമിലെത്താൻ.


സമയം വൈകുന്നേരം 4.30 അസറ് നിസ്കാരം കഴിഞ്ഞതേയൊള്ളൂ..
എങ്കിലും ഉച്ച സമയത്തെ ശക്തമായ ചൂടിൽ നിന്ന് അന്തരീക്ഷം മോചിതമായിട്ടില്ല.

ഇവിടെ നിന്ന് ഇടത്തോട്ട് തിരിഞ്ഞ് കട്ടറോടിലൂടെ അൽപം ചെന്നാൽ നമുക്ക് മഖാം കാണാം.

പരിശുദ്ധമായ മുത്തുപ്പാറ മഖാം.

കാണുമ്പോൾ തന്നെ ഒരു ആത്മീയാനുഭൂതി പകരുന്ന മഖാമും പരിസരവും.

ഈ മഖാമിനെ കുറിച്ച് എഴുതപ്പെട്ട രേഖകളോ ചരിത്ര പുസ്തകങ്ങളോ ഇല്ല. ഇവിടെ അന്ത്യവിശ്രമം കൊള്ളുന്ന മഹാൻ്റെ പേരോ നാടോ ജീവിച്ചിരുന്ന കാലമോ ആർക്കും അറിയില്ല.

എന്നിരുന്നാലും അനുഭവസ്ഥർ നിരവധിയാണ്. മഖാം സിയാറത്തിനായി ധാരാളമാളുകൾ ജാതി മത ഭേദമന്യേ ഇവിടെ വന്ന് പോവുന്നു. അവരുടെ ആവശ്യങ്ങൾ നിറവേറുന്നു, പ്രശ്നങ്ങൾക്ക് പരിഹാരമാവുന്നു, സങ്കടങ്ങൾ സന്തോഷത്തിന് വഴിമാറുന്നു.

സിഹ്റ് ബാധിച്ചവർ ഇവിടെ വന്ന് 7 യാസീൻ ഓതിയാൽ അവർക്ക് ഇളക്കം തുടങ്ങുകയും അലറി വിളിക്കുകയും ചെയ്യുന്നത് നിത്യകാഴ്ച്ചയാണെന്ന് പ്രദേശവാസികൾ പറയുന്നു. അവസാനം സിഹ്റെല്ലാം ബാത്വിലായ രൂപത്തിലാണത്രേ അവർ തിരിച്ചു പോവാറുള്ളത്.

ഈ മഖാമിന് 800 വർഷം പഴക്കമുണ്ടെന്നാണ് അനുമാനിക്കപ്പെടുന്നത്.
പുളിങ്ങോം,നീലം പാറ മഹാൻമാരുടെ സംഘത്തിൽ പെട്ടവരാണെന്നും പറയപ്പെടുന്നു.

പണ്ടുകാലത്ത് ഒരു കൃഷിഭൂമിയായിരുന്നത്രേ ഈ സ്ഥലം. അന്ന് കർഷകർ കിളച്ച് കൊണ്ടിരിക്കുമ്പോൾ കല്ല് കൊണ്ട് കെട്ടിപ്പടുത്ത അസാധാരണ വലിപ്പമുള്ള ഒരു ഖബർ കാണുകയായിരുന്നു.

പിന്നീട് കർഷകർ അവരുടെ ആവശ്യങ്ങൾ ഈ സവിധത്തിൽ പറയുമ്പോൾ നിറവേറാൻ തുടങ്ങി. വിവരങ്ങൾ അറിഞ്ഞ് കൂടുതൽ ആളുകൾ വരികയും അവർക്കെല്ലാം ആഗ്രഹ സഫലീകരണം നടക്കുകയും ചെയ്തു.

കാലങ്ങൾക്ക് ശേഷം പാറപ്പള്ളി അബ്ദു റഹ്മാൻ മുസ്ലിയാർ ഇവിടെ വരികയും ഇതൊരു മഹാൻ്റെ ഖബറാണെന്ന് സ്ഥിരീകരിക്കുകയും ജനങ്ങൾക്ക് സിയാറത്തിന് സൗകര്യമൊരുക്കുകയും ചെയ്യണമെന്ന് കൽപ്പിക്കുകയും ചെയ്തു.

ഈ മഹാൻ ഇരുന്നതെന്ന് പറയപ്പെടുന്ന കല്ല് ഇവിടെ പ്രത്യേകം സംരക്ഷിച്ച് വച്ചിരിക്കുന്നു. ഈ കാണുന്ന മരത്തിൻ്റെ ഇലയും കായും എല്ലാം മരുന്നിനായി ആളുകൾ കൊണ്ട് പോവാറുണ്ടായിരുന്നു അത് കൊണ്ടാണ് ഇത് മുറിക്കാതെ സംരക്ഷിച്ചിരിക്കുന്നത്.

ഇത് മഹാൻ താമസിച്ചു എന്ന് കരുതപ്പെടുന്ന ഗുഹയാണ്. കൊടുംകാടിലാണ് ഗുഹയുള്ളത്. ഉള്ളിൽ ഇരുട്ടും അടുത്ത് ചെല്ലാൻ പേടി തോന്നുന്ന രൂപത്തിലുള്ള ഗുഹ ദൂരെ നിന്ന് ചിത്രീകരിച്ച് ഞാൻ മടങ്ങി.

മഖാവിൻ്റെ കീഴിൽ അതിവിപുലമായ രൂപത്തിൽ ദർസ് നടന്ന് വരുന്നു. നിലവിൽ 13 കുട്ടികൾ പഠിക്കുന്നുണ്ട്.

ആമത്തല മുസ്ലിം ജമാഅത്ത് കമ്മറ്റിയാണ് ഇന്നീ മഖാം സംരക്ഷിച്ച് പോരുന്നത്. എല്ലാവർഷവും ശഅബാൻ മാസത്തിൽ വളരെ വിപുലമായ രൂപത്തിൽ 4 ദിവസം നീളുന്ന ആണ്ടുനേർച്ച നടന്ന് വരുന്നു.
Faizal manjeri YouTube channel
#faizalmanjeri #muthupparamaqam #sihrbathilakkunnmahan #maqamuphill #chanadukkammaqam #cheemeni