J League အဆင့်ဂိုးသမား အောင်ကျော်ကျော်

၁၉၉၀ ပြည့်နှစ်များကာလတလျှောက် မြန်မာ့လက်ရွေးစင်အသင်းရဲ့ ပင်တိုင်ဂိုးသမားအဖြစ် ဆယ်စုနှစ်တခုကျော်ကစားခဲ့တဲ့ ဂိုးသမား အောင်ကျော်ကျော်နှင့် ခဏတာ တွေ့ဆုံဖြစ်ခဲ့သည်။

ထိုစဉ်က မြန်မာ့ဘောလုံးလောကတွင် အဆင့်မြင့်တန်းအဖြစ် ဝန်ကြီးဌာနများအလိုက် ယှဉ်ပြိုင်ကစားခဲ့ကြသည့်အချိန်ဖြစ်ကာ အောင်ကျော်ကျော်သည် နာမည်ကျော် လက်ရွေးစင်ကစားသမားများဖြစ်သည့် မျိုးလှိုင်ဝင်း၊ တင်မြင့်အောင်၊ စောဘမြင့်၊ ရဲထွဋ် အစရှိသည့်ကစားသမားများနှင့်အတူ ကာစတန် (ခေါ်) ဘဏ္ဍာအခွန်အသင်းတွင် ပါဝင်ကစားခဲ့သည်။

၁၉၉၈-၉၉ ခုနှစ် အာရှ ကလပ်အသင်းချန်ပီယံဖလား (AFC Championship) ပြိုင်ပွဲအတွက် ဘဏ္ဍာအခွန်အသင်းက ခြေစစ်ပွဲအောင်ခဲ့ပြီး ဂျပန် ထိပ်တန်းကလပ်အသင်းတခုဖြစ်သည့် Jubilo Iwata အသင်းနှင့် ယှဉ်ပြိုင်ကစားခွင့်ရရှိခဲ့သည်။ ထိုပွဲတွင် ဘရာဇီး အသင်းခေါင်းဆောင်နှင့် ကွင်းလယ်ကစားသမား Dunga ၏ Free Kick (အလွတ်တည်ကန်ဘော) ၂ လုံးကို အောင်ကျော်ကျော်က ပုတ်ထုတ်ကာကွယ်နိုင်ခဲ့သည်။ သူ့တွင် J League အဆင့် လက်စွမ်းရှိကြောင်း
Jubilo Iwata နည်းပြ၊ ဘရားဇီးဂန္ထဝင်ကစားသမား Zico က ထုတ်ဖော်ချီးကျူးခဲ့ရသည်။

ကစားသမားဘ၀ အထင်ကရပြိုင်ပွဲများဖြစ်သည့် ၁၉၉၃ Sea Games (အရှေ့တောင်အာရှပြိုင်ပွဲ) ၊ ၁၉၉၅ Sea Games ပြိုင်ပွဲ အမှတ်ရစရာအကြောင်းအရာများကိုလည်း အောင်ကျော်ကျော်က ပြန်ပြောင်းပြောပြထားသည်။

#aungkyawkyaw
#newswatch
#myanmarsports
#jleague