2e plaats | Waat vastelaovend bringk

Zang: Guusje Hazenbosch / Noa Peulen
Komponis: Ron Dings
Schriéver: Ron Dings

‘s Aoves laat, as de maon begint te schiene,
‘t stiller wuurt op de straote in de stad.
Laup ik nao de plaats, wao ik dien prinsemuts môch liëne,
wao dich die muts veur ‘t lets woord aafgezat.
Traone in mien auge, ‘nne lach op mien gezich,
de joeks zal euverwinne maar dit jaor waal zonder dich.

Refrein
As ik heej staon veul ik mich klein,
mit doezend minse same zoë doën beejein.
Van kleins aaf aan de leedjes die me dao zingk,
det is iets waat vastelaovend bringk.
En ik heb ‘t idee det vanaaf dees plaats,
d’r nao mich wuurt gekeeke door eine faats.
Dao baove in d’n hemel wao ik aan dingk,
det is iets waat vastelaovend bringk.

(Vanaovend bringk,
d’n aovend bringk,
Òs, beej ein!)

As kleinen blaag stond ik heej mit dich te kiéke,
in de bolderker as ik leef waas op diene nek.
Zô’nnen aovend velt mit gaar niks te vergeliéke,
‘t misse van duit pien det ’t verrek.
Traone in mien auge ‘nne lach op mien gezich,
vastelaovend blief veur iëwig maar ik mis dich naeve mich.

Brök
‘t schoënste aan ‘t aafgelaupe jaor is,
vastelaovend heilt bizônder good.
Det hoof ik nemes oét te legge,
det huurse Venlonaere zegge.
Kôs ik nog, en had ik maar..
mit dich heej meuge staon.

Wil je meer van dit soort video's zien? Abonneer je dan even op ons kanaal:
http://www.youtube.com/user/omroepven...
Volg ons ook op social media om op de hoogte te blijven van het laatste nieuws.
Facebook:   / omroepvenlo  
Instagram:   / omroepvenlo