30 Tetor 2024 Edicioni i Lajmeve ne News24 ne studio Ola Bruko (Ora 13.30)

Ish-ministri i Mbrojtjes, Fatmir Mediu, ka deklaruar pas daljes nga GJKKO se procesi për çështjen “Gërdeci” është ndërtuar në mënyrë të paligjshme dhe po kalon në akuza absurde.
Mediu u shpreh se ndaj tij po ngrihen akuza për çështje ushtarake, teksa u shpreh se “çdo ministër mbrojtje merr vlerësimin për çështjet ushtarake me ndihmën e strukturës ushtarake”.
“S’kam bërë shkollë ushtarake, çdo ministër mbrojtje merr vlerësimin për çështjet ushtarake me ndihmën e strukturës ushtarake. Struktura ushtarake kanë përgatitur urdhrin e ministrit në raport me kalibrat, është edhe një komision. Më falni kë duhej të pyesja unë, të merrja shefin e shtabit të SHBA-ve ta pyes se çfarë më ka thënë shefi i shtabit të FA-ve, qëndron apo jo?