Nangla Jinga chitading Maneithangza

A song by Maneithangza Kipgen based on the true love story of a Kargil war hero and his sweetheart at Bongbal city, way back in the 90s.
18th sept. 1998, Bongbalkholen ,

Hichi jaila Nangla jinga chitading hi 1999 kargil a posting lha kakho uva gollhang khat Assam Regt. kargil gal in alap denna galkap dinga aum laitah a a dongmanutoh akingaina lhon thusim a konna kanasemdoh ahi. hichi jaila hi 2000 kum in songlhan pahcha album Axl Helun leh Miss Lamkhonem toh kasem nao vah Lanu Lamkhonem in record anabol tan ahileh angaikha jouse in ngei anasah in ahi. Hitichun cassette khanglai ahijeh chun ahung kithang thang in ahileh hichilaitah chun Laizon Muzeeko Award kiti music festival ti tobangkhat Pu Jampa Lhungdim lamkai na in anabol ji un mipihojong ana suchoh lheh jin ahi. chutoh lhon chun selected songs re-cord and re-production jong anabolji un ahi. chutoh lhon chun Pu jampa in hichi kalasem Nangla jinga chitading lahi thah record a Laizon Muzeeko next release ajasah din ahungthum tan ahileh keijong imajong haseilouvin henge bol in tin kanaphal peh tan ahi. Vangphat umtah chunlachu Pu Benny khonsai toh ahinboldoh lhontan ahung kithangcheh kittan ahi. hinlah original lyrics twist ahung kiboltan, hichia lasempa in kargil lonlhi in longhih in vangnei tangpa dingin kataonai atitoh kidonbutto thei talouvin IB lhang nalepteng tin ahinkheldoh lhon tan, Lyrics jong chu Pu Jampa Lhungdim in amamin ahin kikoi kittan ahileh miho hin Pu Jampa leh Pu Benny sem khattou ham tin anagel ji uvin alungboi jong aumdapoi hijehchun hichila hi iti hung kisem ham tichu chomcha abackground gah ngailha kit tadio hite.

Gal kipanding ahitah jeh in gollhangpa chu leave chomcha ding in inn ahungpha tan ahi, kilelou theila hitalou, jinga kileding ahitai. nungah gollhang kimoh ngai ahilhon tapoi, gollhangpa jong sepay pang service nei ahitah jeh in kicheng dinga kigellha lhon ahitai, Hijeh chun nungah nu chun kargil gal achun adongmapa chu ahung thi khadem tia hi dipchah den ahitai. Nungahnu inn a chun Jan in tapkong phung ah bongnoi cha hathet in aki om un ainnko tetoh adonkhom un ahi, kingaina leh kilhah lelna chu asanjeh in a innko tejong jankhangkim gei in atou un ahi. hinlah tehse ho imut nung in gollhangpa chun a tape record a la hochu ahinlha in lungheltah in adongmanu pheichung chu akikhap in ngaina thimthu alelpantan ahi. chutichun nungahnu chun bichinga kithet jangdummon duo gop chu agala in dumjel ajelpeh in achepsah tan ahi. Jangdummon chu nungah nun gollhangpa bilkah a chun aje peh in mollehlhang nalep teng jangdummom bangin neihin geldoh jing in tin lhahlelna thimthu aleljing laijin ahmasa akhongtai. Sepay pangpa chun Imphal khopi lhung ding chujouteng lenna flight a touding ahitai, hijeh chun khosunga pat bus station chu gamlha thim ahijeh chun kilha lel pumpum chun nungah nu chu heo iba kilodingham damsel in chimaitan gil bual- ahcha jong akhongtai tin ngailheh jongleh ngailou bang in alha tan ahi. Na um na gam ah gal leh tol hat henlang thinathei mannna thei tamjong leh keima kalungset jing ka u nang dingin Paheng ah taojing nag'e ,heo, tin mitlhi longchut chut in alhatan ahi, chuleh nagma in jong ka angsunga jangdummon ngaicha a nathum jing banin neihingeldoh jing in , damsella nahung kile ding ngah jinga umjing ding kahi tin akilha lhon tan ahi. Ulenao ase in gelpou tin thu adih leh atah pahi ahetchen lou hoding a kahin phondoh ahije kakipah'e , A la ngaijing jouse pathen in phathei nabuoh jing tao hen.
Male version

1. Chollhanu ngah in mao jongleng,
Nangla jing teng chi tan natin,
Keiding a lungguh a thomhao na,
Dingbep a laileng aw Kasen goldei

Nangla jinga chi tading,
Gol’o mol le lhang nalep teng,
Jaangtui lenchung achun nang,
Lungkham hih in sen gol ngai,
Hat in hang jingo doungal mel ang a,
Thongnu nase nasen goldei din
Lunglai ja’ pahbang in pahjing jeng o
(K’in jong sumil pong’e kasen goldei) R

2. Chetan tia jinnang lhah joulou,
Goldei mol le lhang nalep teng,
Jaang dumom bangin neisang kit in,
Damsel tan gil bu-aal akhong tai.

3. Sim le mar lamna kom niteng,
Ngailut lekha lamleng neocha jong,
Lunghel damdoi joh in sang kit in,
Lungset somai mukal kangah lel ‘e