Скачать или смотреть ယူကရိန်းရှေ့တန်းစစ်မျက်နှာက ရဲသား

နီကူလင်နဲ့သူ့ရဲတပ်ဖွဲ့ဟာ တောင်ဘက်က မာရီယူပူးမြို့ကိုရွှေ့ခဲ့ကြတယ်။ နောက်တော့မာရီယူပူးလည်း အဝိုင်းခံရတော့တာပါပဲ။ မြို့နေပြည်သူတွေကိုရွှေ့ပြောင်းရတာဟာလွယ်ကူတဲ့ကိစ္စတော့မဟုတ်ပါဘူး။ အထူးသဖြင့်သက်ကြီးရွယ်အိုတွေက မရွှေ့ပြောင်းချင်ကြဘူး။ ကိုယ့်မြို့ကလွဲရင်ဘယ်မှမရောက်ဖူးတဲ့ လူတွေကလည်းရှိနေပါတယ်။

ရုရှားလေတပ်ကဗုံးတွေမိုးရွာချသလိုကြဲတဲ့အခါမြို့သူမြို့သားတွေကို သူကယ်တင်ရတယ်။ ဂျာနယ်လစ်တွေကိုလည်းမြို့ထဲကနေလွတ်မြောက်ဖို့ကယ်ထုတ်ခဲ့ရပါတယ်။ ရုရှားတပ်တွေဝင်လာတဲ့ အခါ အေပီသတင်းဌာနကသတင်းစာဆရာတွေကိုဖြစ်ရပ်မှန်ကိုသတင်းပေးပို့ နိုင်ဖို့အတွက်အင်တာနက် ရအောင်သူရှာပေးခဲ့တယ်။

ရင်ခုန်စရာအကောင်းဆုံးကတော့ အေပီသတင်းသမားတွေကိုမြို့ထဲကနေထွက်လို့ရအောင် သူ့ကားထဲမှာဝှက်ပြီးခေါ်ထုတ်သွားခဲ့တာပါပဲ။ သူ့ကားမှန်တွေကိုပလတ်စတစ်နဲ့ကာပြီးကင်မရာကိုတော့ထိုင်ခုံအောက်မှာထည့်လာခဲ့ပါတယ်။ဗုံးဆန်တွေမှန်ထားတဲ့သူ့ကားလေးက သတင်းစာဆရာတွေကို လွတ်မြောက်ရာကိုခေါ်ထုတ်နိုင်ခဲ့ပါတယ်။ သူတို့ဖြတ်သန်းခဲ့တာဟာရုရှားစစ်တပ်တွေရဲ့ စစ်ဆေးရေးဂိတ် ၁၅ခုဖြစ်ပါတယ်။
#podcast #ယူကရိန်း