Скачать или смотреть DD News Mizoram Chanchinthar | 11 November 2025 | 6:30 PM

Mizoram chhung leh ram hrang hrang a thil thleng te :

Local 6:30 PM

1. Dampa Assembly Constituency By-Election chu boruak muanmawm tak hnuaiah vawiin khan vote thlak a ni a, hriat theih chinah vote 83% a tla tawh.

2. Revenue Minister Pu B. Lalchhanzova chuan vawiin khan Maumual ram buai chinfel taka document felfai nei, mi 456 te hnenah Land Pass a sem chhuak.

3. LESDE Minister Pu Lalnghinglova Hmar chuan Labour & Employment Ministry hmalakna kaltlanga hnathawktu tha siam belh turin chak zawka skill development kalpui a ngai tih Labour & Employment Minister inkhawmpui New Delhi-a neihah a sawi.

4. Lawngtlai Dist. chhung, Kakichhuah ah Tuihri ni a hriat natna vangin mi pali an thi, mi 20 vel an damlo mek

5. Aizawl leh Thenzawl inkar kawng chauh National Highway-a puan tumna a awm a an hriat avangin YMA Sub Headquarters Lunglei hruaitute chuan Chief Minister hmuin, Aizawl-Thenzawl-Lunglei kawng pawh puang tel turin an ngen.

6. Khawpui lirthei tlan dan mumal leh enkawl that kawngah Mizoram sorkar chuan ram pum huap chawimawina, Special Award a dawng.

7. Bana Kaih hnuaia PMEGP Loan latute tana ni 10 awh tur Entrepreneurship Development Programme Training chu vawiin khan MDTC Complex, Zemabawkah hawn a ni.

8. Legal Metrology Enforcement, Mizoram leh Centre for Consumer Education, Mizoram tangkawp chuan vawiin khan Aizawl Bara Bazar a sa chi hrang hrang zawrhna hmunte chu tlawhin sa buk an enfiah.

9. Vande Mataram hla kum 150-na pualin vawiin khan Millennium Centre, Aizawlah zirlai naupangte leh mipuite chu inpumkhatna lantirin an pungkhawm.

10. Mizoram Florist Association, Leitan Branch te buatsaih, 5th Flower Show cum Fair chu vawiin khan District Horticulture Officer (DHO) Pu Lalrosanga Khiangte chuan a hawng.

6:30 pm National

1. President hian Angola-a India mi awmte hnenah India leh Angola thawhdunna tichak tura theihtawp chhuah turin a ngen.

2. Nizan khan Delhi-a Car pakhat atanga thil puak avangin mi 13 an thi a, Prime Minister Narendra Modi chuan pawikhawihtu zawng zawngte an phu tawk hremna pek an nih tur thu a puang.

3. Home Minister Amit Shah chuan Delhi, Red Fort bula bomb puahna hmunah kalin LNJP damdawiin-a hliam tuarte a tlawh.

4. Minister of State for Women and Child Development, Savitri Thakur chuan hnam chindan vawnhim a, chawinun zel chu mipuite mawhphurhna a nih thu a sawi.

5. Union Minister Shivraj Singh Chouhan chuan Andhra Pradesh-a Vengalayapalem Dil siam that a hawng.

6. Finance Minister Nirmala Sitharaman chu Coimbatore, Tamil Nadu-ah hun pawimawh chhim turin a kal.

Follow DD Mizoram:
  / ddnewsmizoram  
  / ddnews_mizoram  
  / ddnewsmizoram