Скачать или смотреть ԳՈՅՈՒԹՅԱՆ ՍՈւՐԲ ՊԱՏԱՐԱԳ

Խոսք՝ Բորիկ Բաղդասարյանի
Երժշտ.՝ ԱԲ
Կատարումը՝ ԱԲ
----------------------------
ԳՈՅՈՒԹՅԱՆ ՍՈւՐԲ ՊԱՏԱՐԱԳ
Բորիկ Բաղդասարյան

Դարերի խորքից
Դեպի ինձ եկող
Հինավուրց մի երգ
Կանգնել է կյանքի
Սահմանագլխին
Եվ հորդորում է`
Ամեն Աստծո օր`
Լույսը ավետող
Արեգակի հետ
Փարվեմ վաղորդյան
Ցողաշիթերին
Եվ, որպես աղոթք,
Հողի ականջին
Մեղմիվ շշնջամ
Պատգամը վաղվա,
Որ խորտակվել է
Այսօրվա ծոցում,
Եվ պիտի փրկվի
Մարդկային գոյի
Ինքնամաքրման
Սուրբ պատարագին...

Կամա-ակամա`
Երգում եմ ահա
Երգը անցյալի,
Որ հնչել է դեռ
Ինձանից առաջ,
Եվ թաց շուրթերից
Այն նախամարդու,
Ով ծնունդ տվեց
Մարդկային մեղքին
Եվ մեղքով պատեց
Երկրային հոգին...

Դարերի խորքում
Ինձնից հեռացող
Մենավոր մի երգ
Քայլում է կյանքի
Արահետներով,
Եվ պարտադրում է`
Ամեն Աստծո օր`
Լույսը ավետող
Արեգակի մեջ
Քուն մտած լուսնի
Ալիքների հետ
Փարվեմ աստղազօծ
Գիշերամութին,
Եվ, որպես օրհնանք,
Երկրի ականջին
Մեղմիվ շշնջամ
Պատգամն այսօրվա
Եվ ամեն օրվա,
Որ խորտակվել է
Երեկվա ծոցում,
Ու պիտ մատուցվի
Մարդկային գոյի
Ինքնամաքրման
Սուրբ պատարագին։

Կամա-կամա`
Երգում եմ ահա
Երգը ներկայի,
Որ տանում է ինձ
Հավիտենության
Նեղ ու անխռով
Արահետներով,
Եվ երգն եմ երգում
Այն ապագայի,
Որ հնչում էր դեռ
Ինձանից առաջ
Եվ դեռ կհնչի
Ինձանից հետո...