يامجنون ليلى - سقها ودرجها - خالد ال بريك & عبدالرحمن الحبابي - ابي لي سعة خاطر 2024 حصرياً

كلمات الشاعر ::
عبدالرحمن بن مضواح الحبابي















اداء المنشد ::
خالد ال بريك













تصميم ::
لطام الدوسري










…

طلب التصميم اتواصل وتساب مباشر👇🏻:

‏https://iwtsp.com/966533088591
-

سنابي حياكم الله .

  / pw4u56i1  

. . . . .

الكلمات ::

ياوسع الصدور اللي من البسط ماتنطال
ابي لي سعة خاطر على الارض وارهجها

تحَملت تزييف الشراحه على الاطلال
عسَى الله على بعض الطواري يفرجها

يامجنون ليلَى طال صبري وحلمي طال
متَى طايرة الأحلام تاصل مدرجها

رسمت الطموح اللي وصوله يسر البال
والافكار بكبار الهقاوي مبرمجها

واذا الله أشاء واراد تقبل بزين الفال
ويرضي محبين الجزاله توهجها

لو أطاوع الحساد في كل قيل وقال
بلشت بمداخيل الأمور ومخارجها

على الهون ياراع الحسد جعلك السلال
ترا اللي سواتك ماتسّمع لجالجها

ليا صرت ناجح حطو اهل الفشل محبال
يبونك توقِع لاتصدق تبهرجها

ولا تحسب ان افكارهم تفتح الاقفال
ترا ادناة ماليم خططها وهججها

لو يقابلونك بالموده فـ الاستقبال
ماتصفي خواطرها معك لو تحججها

غدو سلعة ماينبغَى قربها بريال
تبيّن محبتها لو البغض يدِرجها

ليا جيت فالقمه وحطيت لك مدهال
كبار الحجج من قوة العرف تفلجها

تقول الدروب المستقيمة عراض طوال
اقول اطيب من الاختصارات فـ اعوجها

وانا اوبخ الجهال واقدي العقال
ياراع الهروج اللي بلا معرفه مجها

لو انك بتاريخ العرب تاصل المنوال
يقولون ترديد السوالف يسمجها

إذا احتالو ضعاف الروابع ماني بـا احتال
وجيه العرب قل الحياء ماتولجها

ليَا أرخى الظلام كموم بشته على الجهال
طلع نور سمحين النباء والظلام اجها

ترا اللي يقولون المصاعب وقل الحال
مامرت على اهل المرجله ضاعت حججها

علي الطلاق ان المشاكيل والأبطال
تلامج ظروف غيرها مايلامجها

تشيل الحمول اثقال ولا ماهيب ثقال
وتلقَى الوجيه اللي كثيرن تبِلجها

عسى اللي بقدرته الحيا مغدقن همَال
يكثر معادنها ويقضي حوايجها

—————-

سلامي علَى اخوي ورفيقي ورأس المال
سلامي على اللي طرقة الطيب ينهجها

هذا هو رجل الأفعال علم رجل الاعمال
هذا أللي خيول الفزعه ان قام يسرجها

عدو البخل منصى الملاهيف والهشال
تعرّض له كبَار المصايب ويسهجها

مبارك رفيق العز يفدونه الانذال
لا بالله فداه اللي تدَرس مناهجها

ولد مترك اللي لاتكّلم وقال وطال
صدور العوارف بالنبا الزين يثلجها

ياكم كربتن من شِدها مالقت حلاَل
بعد قدرة الله جل شأنه يفرجِها

لامنه اعتزا بـ الاد حراش فالاهوال
يعالج جروحن عجزت من يعالجها

يا الاد ابن حراش اشهد انكم عمَى العيّال
ونسمع مواقيف الفخر وانتفرجها

فخر عزوة الرجبان يوم الرجال أجبال
تصالي شبوبن يشوي الراس واهجها

بن كميّخ اللي يوم اغني به الموال
تقادح سعاطير المطنّخ ويبهجها

قنى اللي مقانيها يدور لها الوبال
مايفرق حَلاها اللي كثيرن تغنجها

ياكم تاجرن في سومها ماهوب يحتال
يقولون للسوام سقها ودرجها

لها عند اهلها قيمة وحشمه ومنزال
لو ان بيعها يسوى البحور وبوارجها

زحول الدواسر صيتهم فوق يارجال
يكابر تواريخ القبايل ويحرجها

وعند الدواسر واقحطان الوفاء مازال
مواقيفهم نارن على طويق مارجها

عسَى لايمي في حبهم مايجيه عيال
يضيع بمداخيل الامور ومخارجها

(عبدالرحمن بن مضواح الحبابي)

. . . . .

من فضلك : اشتراك 🔔 Subscribe - لايك Like
فعل الجرس 🛎 ليصلك كل جديد

تصميم : لطام الدوسري
______________________

للتواصل والاستفسارات :
الحسابات الرسمية لـ قناة لطام الدوسري .

‏SNAPCHAT : la-t2l


‏Whatsapp : ‭0533088591


—
#خالد_ال_بريك