Скачать или смотреть ខេត្តកំពង់ធំ......ស្វែងយល់ អត្ថន័យ អំពីពិធីបុណ្យទន្លេ.. 🥰ទន្លេរបស់យើង ដើម្បីបច្ចុប្បន្ន និងអនាគត🥰

ប្រទេសកម្ពុជា ត្រូវបានចាត់ទុកជាព្រះរាជាណាចក្រនៃវប្បធម៌ដ៏សម្បូរបែប ។ជាមួយនឹងអតីតកាលដ៏រុងរឿងក៏ដូចជាកេរដំណែលនៃប្រាង្គប្រាសាទ ដ៏សម្បើមអស្ចារ្យរបស់បុព្វបុរស ទឹកដីមួយនេះ បានក្លាយទៅជាទីតាំងមួយដែលមនុស្សជាច្រើនក្នុងលោកប្រាថ្នានឹងធ្វើដំណើរដើម្បីមកទស្សនា កេតនភណ្ឌទាំងនោះដោយផ្ទាល់ភ្នែករបស់ពួកគេ បន្ថែមពីលើភាពខ្ពង់ខ្ពស់ផ្នែកវប្បធម៌ដ៏យូរលង់ហើយនោះ ផែនដីសុវណ្ណភូមិមួយនេះក៏ជារដ្ឋមួយ ដែលសម្បូរទៅដោយភោគទ្រព្យរ៉ែធម្មជាតិ ព្រមទាំងភាពអំណោយផលនៃអាកាសធាតុក្ដៅត្រជាក់បែបមូសុងអមដោយទន្លេធំៗហូរឆ្លងកាត់ ជាហេតុបន្សល់ទុកនូវដីល្បប់ដ៏មានជីវជាតិបង្កើតបាននូវទស្សនីយភាពដ៏រស់រវើកនៃជីវិតរស់នៅប្រចាំថ្ងៃរបស់ប្រជាជនខ្មែរអស់រយៈកាលរាប់ពាន់ឆ្នាំមកហើយ ជាការពិតណាស់ដោយសារតែកត្តាទាំងនេះហើយទើបជីវិតរបស់ប្រជាជនកម្ពុជាភាគច្រើនត្រូវបានផ្សារភ្ជាប់យ៉ាងស្អិតរមួតជាមួយនឹងទឹកដី ប្រពៃណី ទំនៀមទម្លាប់ ព្រមទាំងការចងចាំនៃប្រវត្តិសាស្រ្តដែលធ្លាប់កើតមាននៅតាមភូមិស្រុករបស់ខ្លួន អ្នកតែងតែ បានលឺជារឿយៗពីឈ្មោះនៃទីតាំង ណាមួយដែលត្រូវបាន ហៅទៅតាមរឿងព្រេងនិទានដែលត្រូវបាននិទានតៗគ្នាពីមនុស្សជំនាន់មួយទៅជំនាន់មួយ ឬតាមរយះព្រឹត្តការណ៏ប្រវត្តិសាស្រ្តជាដេីម ក្រៅពីនេះអបិយជំនឿ នឹងការគោរពបូជានៅតាមតំបន់ក៏មានភាពផុសផុលយ៉ាងខ្លាំងក្លារដែរដូចជាការគោរពម្ចាស់ទឹកម្ចាស់ដី ឬការបួងសួងដល់អ្នកថែរក្សាទន្លេ បឹងបួរជាដេីម ដោយឈរលើការគោរពបូជាទាំងអស់នេះហើយទើបជារៀងរាល់ឆ្នាំប្រទេសកម្ពុជាបានប្រារព្ធនូវពិធីបុណ្យតូចធំជាច្រេីន ដោយពិធីទាំងនោះត្រូវបានធ្វេីឡេីង ដេីម្បីឧទ្ទិសដល់សាសនា ការតស៊ូរបស់បុព្វបុរសខ្មែរនាសម័យបុរាណ ក៏ដូចជាដើម្បីភាពសប្បាយរីករាយក្នុងសហគមន៍ជាដើម ដូចជាពិធីបុណ្យទន្លេគឺធ្វេីឡេីងក្នុងគោលបំណងដេីម្បីរំលឹកគុណទន្លេមេគង្គដែលបានហូរស្រោចស្រពដែនដីកម្ពុជានារយះកាលរាប់ពាន់ឆ្នាំមកហេីយ នឹងបាននាំមកនូវសម្បត្តិធម្មជាតិ បន្លែត្រីសាច់សព្វសារពើ រួមទាំងផ្ដល់នូវអេកូទេសចរណ៍ដ៏សម្បូរបែបដើម្បីបម្រើដល់ជីវិតរស់នៅរបស់ប្រជាជន ព្រមទាំងបង្កើតចំណូលសេដ្ឋកិច្ចផងដែរ។