Скачать или смотреть रामेश्वर महादेव मंदिर,भोकरदन |भोकरदन लेणी |Rameshwar Mandir, Bhokardan |Bhokardan Caves |Tukai Caves

रामेश्वर महादेव मंदिर, तुकाई लेणी,भोकरदन
********************
नमस्कार मित्रांनो,
आम्ही भटकंती सह्याद्री समूहाच्या माध्यमातून आपल्या परिसरातील प्रेक्षणीय,धार्मिक,ऐतिासिक,नैसर्गिक पर्यटन स्थळांची माहिती सर्वांना सहज प्राप्त व्हावी व त्यासोबतच ह्या ठिकाणचे महत्व देखील सर्वांना सहज माहिती व्हावे ह्या उद्देशाने ही माहिती आपल्यासमोर सादर करीत आहोत आम्हाला आपल्या सहकार्याची अपेक्षा आहे आपण आम्हाला आपल्या परिसरातील प्रेक्षणीय स्थळांची माहिती नक्की द्यावी.🙏🙏🙏
___________________________________________
आमचे यूट्यूब चॅनल सबस्क्राइब करा आणि आपल्या नातेवाईक व मित्र परिवाराला सुद्धा सबस्क्राइब करायला सांगा.
माहिती आवडल्यास नक्की लाईक व शेअर करा.

!!धन्यवाद!!
__________________________________________

भोकरदन - शहराजवळ ऐतिहासिक तुकाई_लेणी आहे ही लेणी शहराजवळ असूनसुद्धा पर्यटकां पासून अपरिचित आहे शहराजवळील ऐतिहासिक लेणी हे स्मारक महाराष्ट्र प्राचीन स्मारके व पुराणवस्तुशास्त्र विषयक स्थळे व अवशेष अधिनियम, १९६० नुसार राज्य_संरक्षित_स्मारक म्हणून घोषित करण्यात आले आहे.
गेल्या काही वर्षांपासून या स्मारकाकडे पुरातत्व विभागाचे दुर्लक्ष झाल्याने या लेणी मधील अप्रतिम व मौल्यवान_शिल्पे सततच्या पावसाने व दुर्लक्षित झाले आहे. किंबहुना पावसाच्या पाण्याने या लेणीमधील नवव्या शतकातील शिलालेखही गायब झाला आहे. भोकरदनची ही लेणी केळणानदीच्या डाव्या तीरावर वसलेली आहे. भोकरदन पूर्वी प्राचीन काळात भोगवर्धन म्हणून परिचित असले तरी भोगवर्धनचा उल्लेख सुरवातीच्या काही प्राचीन ब्राम्ही शिलालेखांमध्ये आढळतो. त्यानुसार येथील रहिवासी धार्मिक प्रवृत्तीचे, दानकर्ते व तत्त्वज्ञानी असल्याचे सिद्ध होते. दुहेरी दालनाच्या या लेणी असून त्यामागे सात खोल्या आहेत. लेणीमधील मंडपातील स्तंभ सपाट असून ते भक्कम होते, परंतु गेल्या काही वर्षात या स्तंभावरील मौल्यवान शिल्पे नष्ट झाली आहेत. उजव्या व डाव्या भिंतीवरील पूर्ण व जुन्या काळातील शिल्पकाम खराब झाल्याचे या ठिकाणी दिसत आहे. दरम्यान लेणीमधील सर्व शिल्पकला ज्या पद्धतीने जोपासली व काळजीने जपायला पाहिजे होती, त्या पद्धतीच्या उलट दुर्लक्ष झाल्याने ही लेणी होती का नव्हती, अशी परिस्थिती निर्माण झाली आहे. लेणीमधील सर्वच भिंतीवरील शिल्प सततच्या पावसाने जीर्ण झाले असून ते खराब झाले आहे.

महाराष्ट्रातील प्राचीन अवशेषांसाठी प्रसिद्ध असलेले एक स्थळ. पूर्वी औरंगाबाद जिल्ह्यातील तालुक्याचे एक ठिकाण होते. स्थानिक दंतकथा या नगराला कृष्णशत्रू भौमासुराची_राजधानी मानते. दंतकथेनुसार याचे नाव भोगवर्धन किंवा भगदनाथ या राजाच्या नावाचा अपभ्रंश होऊन झाले असावे. केळणा नदीकाठी सिल्लोडच्या पूर्वेस सु. १५ किमी.वर वसले आहे. हे ठिकाण उज्जयिनी (उज्जैन) ते पैठण या व्यापारी मार्गावर दण्डक अरण्यात वसले होते, असा प्राचीन वाङ्‌मयात तसेच मार्कण्डेयादी पुराणांत व अनेक उत्कीर्ण लेखांत याचा उल्लेख आढळतो. प्राचीन काळी हे जनपद होते आणि नंतर त्याला विषयाचा (प्रांताचा) दर्जा प्राप्त झाला. येथील रहिवाशांनी सांची व भारहूत येथील स्तूपांच्या बांधणीस दान दिल्याचे उल्लेख तेथील अभिलेखांत आढळतात. माहिष्मतीचा कलचुरी राजा शंकरगण याने भोगवर्धन विषयातील एका गावातील जमीन ब्राह्मणाला दान दिल्याचा उल्लेख ५९७ च्या लेखात आहे. इसवी सनाच्या आठव्या–नवव्या शतकांच्या सुमारास खेळणा नदीच्या काठांवर कोरलेल्या सात खोल्या आणि सभागृहयुक्त एक शैव लेणे इथे आहे तथापि त्यानंतरचा या गावाचा इतिहास ज्ञात नाही. उत्तर पेशावाईत हे गाव हैदराबादच्या निजामाच्या अखत्यारीत आले. भोकरदनच्या सभोवती प्राचीन तटबंदीचे अवशेष असून जुन्या किल्ल्यात तहसील कार्यालय आहे. गावात जुनी आठ लहान मंदिरे असून त्यांपैकी खंडोबाचे मंदिर मोठे आहे. तेथे प्रतिवर्षी यात्रा भरते. याशिवाय नदीकाठी एक महानुभव पंथाचे प्राचीन मंदिर आहे.

केळणा नदीच्या तीरावर ह्या लेणीपासून हाकेच्या अंतरावर रामेश्वर_महादेव_मंदिर आहे ह्या मंदिरात शांत वातावरण अनुभवयाला मिळते हे मंदिर व लेणी एकाच वेळी तयार करण्यात आलेले आहे त्यामुळे अनेक भाविक ह्या ठिकाणी नियमित येतात.

पोहचण्याचा मार्ग:- भोकरदन हे जालना जिल्ह्यातील तालुक्याचे ठिकाण आहे भोकरदन ह्या शहराला लागूनच उत्तर बाजूला आलापुर नावाचे गाव आहे ह्या गावापासून वाडी गावाकडे जाणाऱ्या रस्त्याने सरळ गेल्यावर आपल्याला डाव्या बाजूने जाणारा एक रस्ता दिसेल त्या रस्त्याने थोडे अंतर पुढे आल्यानंतर आपण चक्रधर स्वामी मंदिरा पाशी येऊन पोहचतो ह्या मंदिराच्या पाठीमागे तुकाई लेणी आहे.
***************************************
भटकंती सह्याद्री समूह

#भटकंतीसह्याद्रीसमूह

आमचे यूट्यूब चॅनल सबस्क्राइब करा आणि आपल्या नातेवाईक व मित्र परिवाराला सुद्धा सबस्क्राइब करायला सांगा.
माहिती आवडल्यास नक्की लाईक व शेअर करा.

आमच्या फेसबुक समूहात सहभागी होण्यासाठी खालील लिंक वर क्लिक करा.

https://www.facebook.com/groups/82937...


इंस्टाग्राम वर फॉलो करण्यासाठी खालील लिंक वर क्लिक करा.

  / bhatkantisahyadrisamuh  


*******************************************
#भटकंतीसह्याद्रीसमूह
#भोकरदन
#जालना
#mahadevtemple
#jalna
#sillod
#caves