مبارك الدوسري - الحلم | ( حصرياً ) 2022

تابع الفنان: مبارك الدوسري على جميع التواصل الاجتماعي والموسيقية
https://alfan.link/mubarak.aldosary
   / @مباركالدوسري-د3ع  

مبارك الدوسري الحلم ( حصرياً ) 2022

الحلم
كلمات وألحان: مهدي بن قزوان
اداء: مبارك الدوسري
مكس وتوزيع: أحمد الزبيدي
تصميم: وليد الشريف WALEED.ADS@

توزيع : دجتال الفان ميوزك



الكلمات:
في منامي شفت لي شخص ٍمعين
شفت غيره بس غيره ماعناني

شفت لي عمهوجةٍ والعود لين
عودها يشبه عويد الخيزراني

شكلها بديارنا ماهو يعين
من بحر جيزان الى ساحل عماني

فرقها بين العذارى فرق بين
مثل فرق الجدي وسهيل اليماني

قلت يابنت ارحمي القلب الحنين
لاتجرينه مثل جر السواني

كل ما حاولت بدله واتدين
عرضوا بالماء علي وانا ضماني

قالت ان الشيب في وجهك مبين
لاتورط بالهوى والحيل واني

عارفينك زين حتى لو تزين
تظهر بشياً وعندك شي ثاني

قلت لا لا مامعي غابي وبين
ماعلى قلبي يقوله لش لساني

غير شياً مرني ماهو بهين
منه طلع الشيب فيني في ثواني

الرجاء لاتنبشي الجرح الدْفِيّن
من فريقا غالياً حزنه كواني

لين جريت العوى غابي وبين
وشتكيت لكل من جيته وجاني

تركي مافات في ذاك الزمين
لاتزيدي الجرح ياصافي الثماني

قالت ابشر لاتضايق غير هين
والله اني لك على منته تباني

والسموحه كان انا بحت الكنين
لين هيظتك وجريت المغاني

سالف الدنيا كذا خلك فطين
والصبر مطلوب والله المستعاني

قلت انا متصبر وقلبي ارزين
لين خلت البارق اللي جاء وزاني

كنت احسبه قبل مايقرب هوين
يوم قرب عودت عشري ثماني

وانتهى حلمي ونا قلبي شجين
من يفسر لي ويعطيني المعاني

بعد ذاك الحلم مدري ويش اعين
كل شده جعل تاليها فهاني