Скачать или смотреть DCEA yafumua Mtandao wa Dawa za Kulevya, Mali za Bilioni 3.3 zataifishwa, KG 3,799 zakamatwa nchini.

MALI ZA WATUHUMIWA WA DAWA ZA KULEVYA ZATAIFISHWA | DCEA YAKAMATA KG 3,799.22 NA WATUHUMIWA 84 | TANZANIA ANTI-NARCOTICS OPERATIONS

Dar es Salaam, Disemba 3, 2025.

Mamlaka ya Kudhibiti na Kupambana na Dawa za Kulevya (DCEA) imefanya operesheni kubwa nchini Tanzania mwezi Novemba 2025 na kufanikiwa kukamata kilogramu 3,799.22 za dawa za kulevya, kuteketeza ekari 18 za mashamba ya bangi na kuwakamata watuhumiwa 84. Aidha, mali za wahalifu zenye thamani ya shilingi bilioni 3.304 zimekamatwa na kutaifishwa.

Mahakama Kuu – Divisheni ya Rushwa na Uhujumu Uchumi iliamuru kutaifishwa kwa mali za watuhumiwa Saleh Khamis Basleman na Gawar Bachi Fakir waliodaiwa kujihusisha na biashara ya dawa za kulevya. Uchunguzi wa DCEA ulionyesha kuwa mali hizo zilipatikana kupitia shughuli za uhalifu. Utaifishaji umefanyika kwa mujibu wa Sheria ya Mazao ya Uhalifu, Sheria ya Uhujumu Uchumi na Sheria ya Kudhibiti na Kupambana na Dawa za Kulevya.

Mali zilizotaifishwa zinajumuisha nyumba na apartment katika Jangwani Beach, Kariakoo, Mbezi, Mtoni Kijichi, Kigogo, Shungubweni, Boza, Bagamoyo na Magomeni; viwanja katika maeneo ya Pwani, Kigamboni na Mkuranga; pamoja na magari 11 ya aina mbalimbali.

Operesheni nyingine zilizofanywa na DCEA zimefanikisha kukamatwa kwa vidonge vya MDMA na Rohypnol Sinza D; kilogramu 90 za skanka zilizofichwa kwenye matanki ya solar Mbezi; na kilogramu 244.3 za skanka mkoani Rukwa zilizokuwa zikisafirishwa kutoka Afrika Kusini. Katika mikoa mingine, kilogramu 2,041.45 za bangi na kilogramu 1,423.28 za mirungi zimekamatwa huku ekari 18 za mashamba ya bangi zikitokomezwa.

DCEA inaendelea kuhimiza wananchi kutoa taarifa za uhalifu wa dawa za kulevya ili kuimarisha usalama wa jamii na kupunguza matukio ya biashara haramu ya dawa za kulevya nchini Tanzania.

#DCEA
#Tanzania
#DawaZaKulevya
#OperesheniDCEA
#HabariZaLeo
#UhalifuTanzania
#DrugEnforcement
#AntiNarcotics
#WarOnDrugs
#PressRelease
#SecurityUpdates
#DarEsSalaam
#Uchunguzi
#Kutaifishwa
#TanzaniaNews
#Mamlakayakudhibiti
#KupambanaNaDawaZaKulevya
#CrimeUpdate
#DrugTrafficking
#LawEnforcement
#EastAfricaNews
#UchumiNaUsalama
#BreakingNewsTanzania