Скачать или смотреть "Muro" cinsli macar camışları Azərbaycanda-2

Şəkəralı Baxışəliyev təsərrüfatda 125 camışın bəsləndiyini deyib: “Mal-qaranın cins tərkibinin yaxşılaşdırılması məqsədi ilə “Aqrolizinq” tərəfindən təsərrüfatımıza Macarıstandan macar cinsli 125 baş camış gətirilib. Onlardan 122 başı ana, 3 başı isə erkək camışdır. Gətirilən ana camışlardan 45 gündən sonra 60 bala almışıq. Heyvandarlıqda camışçılıq sahəsi səmərəli və gəlirli sahədir. Camışları təbii şəraitdə bəsləmək üçün güclü yem bazası və su hövzələrinin olması vacib şərtdir. Aran zonasında camışları sağlam saxlamaq üçün əsas məsələ təsərrüfatın su gölməçələrinə yaxın olmasıdır. Bütün bu amilləri nəzərə alaraq biz də camışçılıq təsərrüfatımızı məhz belə bir təbii iqlim şəraitində yaratmışıq. Macar camış cinslərinin yerli cinslərdən fərqi ondadır ki, bir sağımda 8 litr süd verir. Camışın südünün yağlılığı inəkdən 10 faiz yüksək olur. Əgər inəyin yağlılığı 4-5 faiz olursa, camışın südünün yağlılığı 10-12 faizdir”.