Скачать или смотреть किचन क्वीन ऑफ महाराष्ट्र २०२५' ठरणार गृहिणींसाठी मोठा प्लॅटफॉर्म

'किचन क्वीन ऑफ महाराष्ट्र २०२५' द्वारे साजरा होणार महाराष्ट्राचा समृद्ध खाद्य उत्सव


'उमंग मीडिया नेटवर्क'च्या संयुक्त अभिमानाने 'किचन क्वीन ऑफ महाराष्ट्र २०२५' या नव्या शोची घोषणा केली आहे, हा अशा प्रकारचा पहिलाच राज्यस्तरीय पाककृती कार्यक्रम आहे ज्याचा उद्देश स्वयंपाकाच्या कलेद्वारे महिलांना ओळख मिळवून देणे, त्यांचा उत्सव साजरा करणे आणि सक्षमीकरण करणे हा आहे. महिलांना प्रोत्साहन देण्यासाठी, त्यांच्या पाककृती प्रतिभेचे प्रदर्शन करण्यासाठी आणि महाराष्ट्राच्या समृद्ध खाद्य वारशाचा उत्सव साजरा करण्यासाठी 'किचन क्वीन ऑफ महाराष्ट्र २०२५' ही स्पर्धा आयोजित केली आहे.

'किचन क्वीन ऑफ महाराष्ट्र' केवळ स्वयंपाक स्पर्धा नसून त्यापलीकडे जात गृहिणी आणि इच्छुक स्वयंपाकींना प्रकाशझोतात आणण्यासाठी, त्यांच्या कौशल्यांना ओळख आणि संधींमध्ये रुपांतरित करण्यासाठीची एक चळवळ आहे. नीलम स्टेनलेस स्टील्स आणि बियॉन्ड अप्लायन्सेस यांच्या सहकार्याने ही स्पर्धा आयोजित करण्यात आली असून याद्वारे महिलांना स्वादिष्ट जेवण करुन बक्षीस जिंकण्याची संधी उपलब्ध करुन दिली आहे. महाराष्ट्रातील १० प्रमुख शहरांमध्ये ऑडिशन्सद्वारे 'किचन क्वीन ऑफ महाराष्ट्र'साठीच्या स्पर्धकांचा हा प्रवास सुरु झाला आहे.

राज्यभरातील टॉप ५० अंतिम स्पर्धक एका भव्य पाककृती प्रदर्शनात भाग घेतील. सेलिब्रिटी शेफ, फूड तज्ञ आणि प्रभावशाली व्यक्तींचा पॅनेलद्वारे यापैकी योग्य स्पर्धकांची निवड केली जाईल. आता महाराष्ट्रातील तब्बल १० शहरांत या स्पर्धकांची ऑडिशन्स लवकरच सुरु होणार आहे. याची सुरुवात मुंबईहून होणार असून ७ सप्टेंबर रोजी ही ऑडिशन प्रक्रिया सुरु होणार आहे. तर पुण्यात ८ सप्टेंबर, नाशिकला १० सप्टेंबर, औरंगाबाद येथे १३ सप्टेंबर, धुळेला १५ सप्टेंबर, अकोला येथे १७ सप्टेंबर, नागपूर येथे १९ सप्टेंबर, लातूर २१ सप्टेंबर, सोलापूर २३ सप्टेंबर आणि कोल्हापूर २५ सप्टेंबर रोजी या शोची ऑडिशन प्रक्रिया पार पडणार आहे.