Скачать или смотреть Muckin O Geordies Byre

o.o 1,000 views

Noo when I want taw lauchin' I think on the scene
When a'body roub' aboot cam; ower tae clean,
And clairted themsel's richt up taw the e'en
At the muckin' o' Geordie's byre.
Wi Robbie the Rochie and Willie the Doo,
The auld wife hersel' an' Teeny McCrew;
And a'body else the left aff the pleugh
For the muckin' o' Geordie's byre.

Oh! Siccan a sotter was a'body in,
Five mile awa' ye could hear the din;
Even the vera coo had to grin
At the muckin' o' Geordie's byre.

Noo the bobby cam' roun' tae quell doon the soun'
The cratur got lost whaur the rucks hae their foun'
He feel in the midden and was like taw droon
At the muckin' o' Geordie's byre.
The weicht o' him syne sent the barrow in bits,
The wheel cairred on and the auld wife it hits;
Losh! ye should hae seen how she did the splits
At the muckin' o' Geordie's byre.

Oh! Siccan a sotter was a'body in,
Five mile awa' ye could hear the din;
Even the vera coo had to grin
At the muckin' o' Geordie's byre.

Oh the whisky gaed roun' Tammy flein' the doo'
And aye as they drank, the mair they got fou'
The only anes sober, the calf an' the coo
At the muckin' o' Geordie's byre.
Tammy roared oot "Ring the bell noo for mair"
Syne tuggit the coo's tail, and pu'd oot a hair;
When she kickit oot he gaed up in the air
At the muckin' o' Geordie's byre.

Oh! Siccan a sotter was a'body in,
Five mile awa' ye could hear the din;
Even the vera coo had to grin
At the muckin' o' Geordie's byre.