Скачать или смотреть || नवागतांचे स्वागत || अभिनव बालविकास मंदिर गंगापूर रोड नाशिक 2|| MVP || 2024-25 ||

आदर्श शिशु विहार व अभिनव बालविकास मंदिर गंगापूर रोड नाशिक शाळेत प्रवेशोत्सव उत्साहात साजरा
मविप्र समाजाचे आदर्श शिशुविहार व अभिनव बाल विकास मंदिर गंगापूर रोड नाशिक 2 या शाळेत सन 2024 -2025 या नवीन शैक्षणिक वर्षाचा प्रवेशोत्सव साजरा करण्यात आला . नवीन प्रवेश घेतलेले विद्यार्थी , तसेच पुढील वर्गात गेलेले विद्यार्थी मुख्याध्यापिका ,शिक्षक ,पालक या सर्वांनाच या शाळेच्या पहिल्या दिवसाची उत्सुकता असते. अभिनवमध्ये ही आनंदात व उत्साहात विद्यार्थ्यांचा प्रवेशोत्सव साजरा झाला . या कार्यक्रमासाठी प्रमुख पाहुणे शालेय समिती सदस्य नितीन कापडणीस शाळेच्या मुख्याध्यापिका मीनाक्षी गायधनी , ज्येष्ठ शिक्षिका रंजना पाटील ,अर्चना ठाकरे ,मंगला दंवगे, विलास जाधव उपस्थित होते . पाहुण्यांच्या हस्ते दीपप्रज्वलन व प्रतिमा पूजन करण्यात आले. मुख्याध्यापिका मीनाक्षी गायधनी यांनी पाहुण्यांचे पुस्तक व गुलाबपुष्प देऊन स्वागत केले. यानंतर विद्यार्थ्यांच्या पावलांचे ठसे घेऊन ते शाळेत जतन करून ठेवण्यात आले .वर्गवार विद्यार्थ्यांचे औक्षण करून त्यांना फुले देऊन त्यांचे स्वागत करण्यात आले. रांगोळ्या , फुगे , पताका यांनी वर्ग सजावट करण्यात आली .विविध बालगीते लावून विद्यार्थ्यांचे स्वागत करण्यात आले . मुख्याध्यापिका मीनाक्षी गायधनी यांनी मुलांचे औक्षण केले व त्यांचे शाळेत हार्दिक स्वागत केले .यानंतर प्रमुख पाहुणे श्रीराज आहेर, स्नेहल भुसे, अहिल्या भुसे यांच्या हस्ते प्रातिनिधिक स्वरूपात मोफत पाठ्यपुस्तकाचे वितरण करण्यात आले . पाहुण्यांनी नवीन शैक्षणिक वर्षाच्या मुख्याध्यापिका ,सर्व शिक्षक व शिक्षकेतर कर्मचारी तसेच सर्व विद्यार्थ्यांना हार्दिक शुभेच्छा दिल्या व अभिनव शाळेत विविध उपक्रम,खेळ ,अभ्यास या सर्व गोष्टी अतिशय उत्कृष्टरित्या घेतले जातात असे सांगितले.शाळेच्या मुख्याध्यापिका मीनाक्षी गायधनी यांनी सर्व विद्यार्थी , शिक्षक व शिक्षकेतर कर्मचारी यांना नवीन शैक्षणिक वर्षाच्या आनंदमय शुभेच्छा दिल्या . आनंदात व उत्साहात शाळेचा पहिला दिवस संपन्न झाला.