Скачать или смотреть နိုင်ငံရေးအကျဉ်းသားတွေကို "ဓားစာခံ" အဖြစ်နဲ့ အသုံးချနေတာ (ရုပ်/သံ)

စစ်ကော်မရှင်ဟာ မတ်လ ၂ ရက်နေ့ တောင်သူလယ်သမားနေ့ အထိမ်းအမှတ်အဖြစ် အကျဉ်းသား ၁ သောင်း ကျော်ကို လွတ်ငြိမ်းခွင့်ပေးခဲ့ပြီး၊ ဒီအထဲမှာ အကြမ်းဖက်မှု တိုက်ဖျက်ရေးဥပဒေ ပုဒ်မ ၅၀ (ည)၊ ၅၂ (က) တို့နဲ့ ပြစ်ဒဏ်ကျခံနေရသူ ၇ ထောင်ကျော် ပါဝင်ပါတယ်။

ဒါ့အပြင် အလားတူ ပုဒ်မတွေနဲ့ အမှုဖွင့်ခံထားရသူ ၁ သောင်း ၂ ထောင်ကျော်ကိုလည်း အမှုပိတ်သိမ်းပေးခဲ့ပေမယ့်၊ ပြန်လည်လွတ်မြောက်လာသူအားလုံးဟာ နောက်တကြိမ် ပြစ်မှုထပ်မံကျူးလွန်ရင် အရင်ကျန်ရှိတဲ့ ပြစ်ဒဏ်တွေကိုပါ ပေါင်းခံရမယ်ဆိုတဲ့ ရာဇဝတ်ကျင့်ထုံးဥပဒေ ပုဒ်မ ၄၀၁ (၁) ဝန်ခံကတိနဲ့ လွှတ်ပေးခဲ့တာ ဖြစ်ပါတယ်။

နိုင်ငံရေးအကျဉ်းသားများ ကူညီစောင့်ရှောက်ရေးအသင်း (AAPP) ကတော့ စစ်အုပ်စုဟာ နိုင်ငံရေးအကျဉ်းသားတွေကို သူတို့ရဲ့ နိုင်ငံရေးအကျပ်အတည်းက ရုန်းထွက်ဖို့နဲ့ နိုင်ငံတကာ အသိအမှတ်ပြုမှုရဖို့အတွက် "ဓားစာခံ" သဖွယ် အသုံးချနေတာလို့ ဝေဖန်ထားကြပါတယ်။

အာဏာသိမ်းစစ်ခေါင်းဆောင်ဟာ ဟန်ပြရွေးကောက်ပွဲနဲ့ လွှတ်တော်ခေါ်ယူဖို့ ပြင်ဆင်နေပေမယ့် ဒေါ်အောင်ဆန်းစုကြည်နဲ့ နိုင်ငံတော်သမ္မတကြီး ဦးဝင်းမြင့် အပါအဝင် နိုင်ငံရေးခေါင်းဆောင်အားလုံးကို ချွင်းချက်မရှိ လွှတ်ပေးပြီး စစ်တန်းလျားကို ပြန်ခြင်းမရှိသရွေ့ ပြည်သူလူထုရဲ့ ထောက်ခံမှုနဲ့ နိုင်ငံတကာရဲ့ အသိအမှတ်ပြုမှုကို ရရှိမှာမဟုတ်ဘူးလို့လည်း ထောက်ပြပါတယ်။

#မြန်မာ #ဧရာဝတီ #နိုင်ငံရေးအကျဉ်းသား #ဦးဘိုကြည် #ဓားစာခံ #AAPP #WhatIshappensInMyanmar
စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။
Support The Irrawaddy: https://bit.ly/supporttheirrawaddy