Скачать или смотреть Wayang Golek GH3 Cepot Diperdaya Jadi Raja (Audio Panggung) - H. Asep Sunandar Sunarya

Tema : Upaya pelestarian kesenian wayang golek melalui media sosial.

Wayang golék Giri Harja 3 pingpinan dalang H. Asép Sunandar ieu mangrupakeun rékaman audio ti siaran RRI Bandung. Saleresna dua kali pagelaran, nu kahiji lalakonna Cépot Diperdaya, nu kadua Cépot Jadi Raja. Supados teu gantung dangu, nya dihijikeun dua lalakon jadi sa-video.
=============
Nyarioskeun hiji karajaan kajinan nu dirajaan ku Prabu Gubarja Kusumah hayang migarwa Déwi Subadra, bojona Arjuna panengah Pandawa. Ngajurungan patihna Gubarja Seti pikeun ngiwat atawa nyulik Déwi Subadra. Patih Gubarja Seti nyamar jadi Astrajingga/Cépot. Dina hal ieu Cépot diperdaya. Katempuhan buntut maung, meunang fitnah disangka nyulik Déwi Subadra.

Amarah Arjuna teu bisa dibendung deui, nu antukna Cépot ditandasa, ngemasig pati katiir ku panah Sarotama. Layon Cépot dibawa ku Dawala, kabeneran anjog ka hiji padepokan Sumur Halimun nu dipingpin ku pandita Seuweupani, (guruna Gubarja Kusuma jeung Gubarja Seti). Ku kasaktian pandita Seuweupani, Cépot bisa hirup deui.

Carios lengkepna mah mangga bandungan dugi ka réngsé. Cag!