طارق العوض - مراكب الاحزان

أغاني طمبور
طارق العوض
مـراكـب الأحـــزان
كلمات.... عثمـان عوض ضرار
الحان ..طـــارق العـــــوض
بيناتنا ليه طاف العذاب ومراكب الاحزان رسن
ما كنا عصفورين قراب فوق دوحة فى جنة عدن
بيناتنا ليه حكم الزمن بالفرقة والشوق والشجن
لا الصدفة ضمدت الجراح جمعتنا والايام صفن
لا الريدة ماتت لا اليراع بي غير حروفك إفتتن
وانا عمري من غيرك سنين للحسرة والهم والحزن
بيناتنا ليه يبقى الاسى طاحونة لى القلب الرهيف
الليل شراع سكنى الالم في لجة الزمن المخيف
الغيم هجر وادي العشم خاصم زهيراتي الخريف
وانا كان بجيني مطر هواك وزماني لي شوفتك وريف
بيناتنا ليه يبني السراب قصر المواجع يا جميل
وانا ناري اشعاري التقول باكر بجيك من غير دليل
انا كت غرقان في الامل في صدق احساسي النبيل
الليلة غرقان في الاسى و ما عرفت لى دنياك سبيل
فى خاطرى لحظات الوداع لمان بدن عينيك تسيل
وانا حالي اكتر من ضياع و دواخلى فى مأتم عديل
لكنى شربتك امل خفف هموم يوم الرحيل
وانا كنت قايل احتمال افقد عيونك مستحيل
ناديني قلبى بيسمعك وريني وين عينيك تكون
ناجينى زى ما اكون معاك بي رعشة الصوت الحنون
اطوينى والفرح اللكان يفصلنى من ليل الشجون..
لامسنى فى ذكراك عبير بالفرقة مستنى الجنون
فتشت عنك في مدن مزحومة تنتق في الانين
فى كل حتة اتخيلك امشي واقول يمكن تبين
لكنى بحصد في التعب والواقع المر الضنين
وازرع بذور امل جديد فى شرقة الصبح الحزين
كل الدروب جربتها ودتني لي نفس المكان
الفيهو شربتك امل و الفيهو فارقتك زمان
لكن بنتلاقا ونقول جمع مسافاتنا الحنان
واقدار هوانا بتتفق ويشوش الليل الامان