انتي النسيم

كلمات/ الصقر

انتي النسيم!

رميتني من بعد ود وتراحيب
في نار شوقك اكتوي من لهبها
الشوق نارٍ دون ضو ومشاهيب
تحرق معاليق الضماير حطبها
الحب غربة وارتحال وتعاذيب
جولة على فنون الحياة وتعبها
وردٍ نثرتي بالدلع والتلاعيب
ألقط من اكتاف الهبايب هدبها
مسجون في حبك بليا مطاليب
ذنبي أحبك وأمر ربي كتبها
أهيم ليلي بين حرش المراقيب
ما بين ورد وشوك وأقسى خشبها
وتأخذني القدرة بعيد المشاريب
دربين ما أدري وش نهاية نشبها
درب طويل فيه ورد وسراديب
إما لقلبك أو جحيم جلبها؟
ودرب المفارق والدموع المساكيب
يثير عبراتٍ بجوفي عطبها
أرجع وأقول إني خطير التخاريف
عذابك أصبح من حلاوي عنبها
انتي النسيم اللي هبوبه تعاجيب
يحضن عطور الورد روحي سلبها
انتي غرامك لحن يسجع تطاريب
لحن الحياة اللي يغني طربها
يكفيني أسرح مع خيالك تطابيب
شعرك بساط الريح يلمع ذهبها