Скачать или смотреть Endri Dumani: Motra ime Eva kishte frikë të kthehej nga Siria. Lutesha çdo ditë të vija në Shqipëri

Mide Dumani kishte 6 vite që e priste momentin të përqafonte të birin Endrin të cilin bashkëshorti Shkëlzen Dumani e mori dhe e çoi në Siri bashkë me motrën e tij Evën në shkurt të vitit 2014.


Endri ishte totalisht i mpirë, pa fjalë në këtë ri-takim për të cilin po flitet dhe po komentohet shumë . Përgjigja më e mirë për të kuptuar këtë moment janë fjalët e pakta të Endrit, por që tregojnë shumë.

Ai foli për gazetarin e Top Channel Muhamed Veliu, tek sa ishte nisur nga Bejruti për në Tiranë, ku e priste nëna dhe daja Xhetan Ndregjoni që nuk u lodh kurrë për ta kthyer në shtëpi.

Muhamed Veliu: Endri ne po shkojmë për në Shqipëri. A e mendoje që një ditë do të largoheshe nga kampi dhe do të riktheheshe tek nëna në shtëpi?

Endri Dumani: Po e dija.

Muhamed Veliu: Kush ta kishte thënë që do shkoje në Shqipëri?

Endri Dumani:Kemi pas fol më parë me dajën tonë Xhetan. Kemi pas fol përpara.

Muhamed Veliu: Kur ishe në Al Hol me çfarë merreshe, me çfarë luaje?

Endri Dumani: Luaja top me shokët ose ndonjë gjë.

Muhamed Veliu: Si ishin kushtet, si ishte ushqimi?

Endri Dumani: Ushqimi krejt mirë. Gjojna të mira. Veçse çadra aty fuste ujin përditë.

Muhamed Veliu: Kush kujdesej për ty, gjyshja me motrën?

Endri Dumani: Po.

Endri sot 13 vjeç shpëtoi nga kampi i ferrit Al Hol. Por mundësinë e riatdhesimit nuk e shfrytëzoi e motra, Eva.

Muhamed Veliu: Kur e ke takuar Evën motrën për herë të fundit?

Endri Dumani: Përpara se të na merrnin.

Muhamed Veliu: Çfarë të tha Eva?

Endri Dumani: Vetëm më takoi më uroi.

Muhamed Veliu: Përse Eva nuk deshi të vinte?

Endri Dumani: Nuk e di. Kishte frikë.

Muhamed Veliu: Frikë që të vinte në Shqipëri nga kush e kishte frikën?

Endri Dumani: Nuk e di nga kush.

Muhamed Veliu: Ku është Eva tani në Al Hol?

Endri Dumani: Po në Al Hol.

Muhamed Veliu: Me kë po rri Eva atje?

Endri Dumani: Me ato gratë shqiptare që njeh.

Muhamed Veliu: Po Evës kur të flasësh në telefon a do tja mbushës mendjen të vijë në Shqipëri?

Endri Dumani: Them që po.

I bëjmë Endrit disa pyetje për të kuptuar se çfarë ndikimi ka patur tek ai babai, Shkëlzen Dumani i vrarë në Siri më 5 Nëntor 2014.

Muhamed Veliu: Po babi çfarë të thoshte për luftën?

Endri Dumani: Nuk më thoshte gjë se vetëm vinte dhe ikte

Muhamed Veliu: Kush ta tha lajmin që babi u vra në luftë?

Endri Dumani: Burri Muveltizes. Lavdrimi ai shqiptari.

Muhamed Veliu: Çfarë ju tha?

Endri Dumani: Tha që ka ndërruar jetë mos u mërzisni.

Muhamed Veliu: Tek varri babit ke qenë?

Endri Dumani: Jo.

Si çdo fëmijë Endrit nuk i mungojnë dëshirat paçka se jo për faj të tij fëmijëria ju kthye në vuajtje.

Muhamed Veliu: Çfarë do që të bësh në Shqipëri a do të shkosh në shkollë.

Endri Dumani: Nuk e di. Ehë…

Muhamed Veliu: Ke qejf të shkosh në shkollë?

Endri Dumani: Po kam.

Departamenti i Informacionit, më i madhi, më kryesori në Top Channel, i cili shënoi fillimin e televizionit me edicionin e lajmeve në 20 dhjetor 2001. Përmes informacioneve të shpejta, të sakta dhe të thelluara, reportazheve dhe rubrikave të tjera informative, Top Channel është kthyer në burimin kryesor dhe me prestigjioz të informimit të të gjithëve në Shqipëri, në hapësirën mbarëshqiptare dhe kudo tjetër në botë ku shqiptarët jetojnë. Top Channel është i pranishëm me kamerat dhe gazetarët e tij në të gjitha ngjarjet më të rëndësishme të vendit dhe në botë, me edicionet e tij informative.

Për më shumë vizitoni: http://top-channel.tv/

Subscribe to "Top Channel" on YouTube Channel for NEWS and TV
Shows HERE: http://bit.ly/2Y15KwK
For more content from click HERE: www.top-channel.tv
Like Top Channel on Facebook HERE: http://bit.ly/2FglWTs
Follow Top Channel on Instagram HERE: http://bit.ly/2uaYG2U
Follow Top Channel on Twitter HERE: http://bit.ly/2TJndeH
#EndriDumani#Syria#TopChannel