Скачать или смотреть जिभेची चव वाढवणारे पारंपारिक पध्दतीने Step By Step बनवले जाणारे चटपटीत आंबट तिखट कैरीच लोणचं

#kairikaachar
#kairichelonche
#kairicheloncherecipeinmarathi
#ammkaachar
#mangopickle
#parmparikkairilonche
#chatpatit
#chatpatitlonche
#howtomakekairilonche
#howtomakeammkaachar
#howtomakemangopickle

1 किलो कैरीच लोणचं बनवण्यासाठी लागणारे साहित्य
1 किलो लोणच्याची कैरी
100Gm तयार लोणचे मसाला
80Gm मोहरी डाळ/ 1/2
वाटी मोहरी डाळ
125Gm मीठ / 1/2 वाटी
1/2 वाटी लसूण (Optional)
3च. हळद
2 च.मिरची पावडर
1/2 च.मेथी दाणे
1 च.बडीशेप
1/2 लिटर तेल
कैरीच लोणचं बनवण्याची कृती स्टेप बाय स्टेप बघूयात.
Step 1
कैरीच लोणचं बनवण्यासाठी कैरी कशी निवडावी

1) लोणच्यासाठी कैरी घेताना कैरी आकाराने मोठी आणि कडक असलेली घ्यावी. म्हणजेच ती कैरी लोणचं बनवण्यासाठी तयार झालेली असते.
लहान आकाराची कैरी घेऊ नये ती कैरी तयार झालेली नसते.त्याचा बाट तयार झालेला नसतो.
लोणच्यासाठी मऊ आणि पिकलेली कैरी घेऊ नये.

टिप - मऊ कैरी मध्ये पाण्याच प्रमाण जास्त असत त्यामुळे लोणच्याला बुरशी लागते.

3)आता कैरी बाजारातून आणली की 5-6 तास पाण्यात भिजत ठेवावी त्यामुळे कैरी ला जो काही चीक लागलेला आसतो तो निघून जातो.
5-6 तासानंतर कैरी पाण्यातून काढून स्वच्छ धुवून घ्यावी.

टीप- तुम्ही इथे कैरी न धुता वापरली तर कैरीच्या चिकामुळे लोणचं घातल की त्याला बुरशी लागते.

4) कैरी धुवून झाली की स्वच्छ कपड्याने पुसून कोरडी करावी.

Step 2
1) कैरी स्वच्छ झाली आता कैरीच्या फोडी करायच्या.शक्यतो लोणच्यासाठी कैरी ही बाजारात कैरी कापून देणारे असतात त्याच्या कडून कापून आणावी.घरी लोणच्याची कैरी कापता येत नाही.
तुम्हाला हवा तश्या लहान मोठ्या आकाराच्या फोडी करुन घ्या.
2)कैरीच्या फोडी करून आणल्यावर त्या स्वच्छ करून घ्याव्यात म्हणजेच कैरीच्या आतील मऊ बियांचा भाग काढून कैरीच्या फोडी स्वच्छ कापडाने पुसून घ्याव्यात.

टीप - कैरीच्या आतील मऊ बियांचा भाग लोणच्यात घेऊ नये.त्यामुळे लोणच्याला बुरशी लागण्याची शक्यता असते.

Step 3

1) कैरीच्या फोडी करून आणल्यावर कैरी वरुन जरी कोरडी दिसत असली तरी कैरीच्या आतमध्ये पाणी असत.
कैरी मधील सर्व moisture काढून टाकण्यासाठी इथे आपण 2 च.मीठ व 1 च.हळद लावून मिक्स करुन घ्यावे. एका कॉटन च्या फडक्यात बांधून 7-8 तास किंवा रात्रभर उंच ठिकाणी बांधून ठेवायचा खाली एक भांड ठेवायचा म्हणजे रात्रभर कैरीतील पाणी त्या भाड्यात पडत राहते.
किंवा एका चाळनित कैरीच्या फोडी ठेवाव्यात.ही चाळणी एका पातेल्यावर ठेवावी म्हणजे कैरीमधील जे काही extra च पाणी असेल तर ते निघून जात.

टिप - ही स्टेप follow नाही केली तर लोणचं घातल्यानंतर कैरीच्या फोडीला पाणी सुटते आणि त्यामुळे लोणचं लवकर खराब होत. लोणच्याला वास येईला सुरू होतो.

Step 4
1) रात्रभर बांधून ठेवलेल्या फोडी एका स्वच्छ आणि कोरड्या कापडावर किंवा कोरड्या परातीत/ ताटात एक एक करून पसरून ठेवाव्यात. तुमच्याकडे ऊन असेल तर उन्हात ठेवा जर ऊन नसेल तर घरात फॅन घाली 5-6 तास ठेवाव्यात.
यामुळे कैरीमध्ये कुठेही moisture राहत नाही. कैरीच्या फोडी एकदम कोरड्या होतात.

टिप - कैरीचे किंवा कोणतेही लोणचे बनवताना आपण जी भांडी वापरणार आहोत ती स्वच्छ आणि कोरडी आसावीत. त्या भांड्यांवर कुठेही पाणी नसावे.

Step 5
1) कैरी छान कोरडी होतीये तोपर्यंत
लोणच्याचा मसाला किंवा खार तयार करून घेऊयात.
2) इथे मी 1/2 लिटर तेल घेतलय. तुम्हाला हवे असेल तर तुम्ही तेल थोडे कमी घेतले तरी चालेल. आता तेल चांगल गरम करून घेयचं आहे.
आता इथे मी लसूण वापरला आहे.
आमच्याकडे कैरीच लोणचं बनवताना लसूण घालतात तुमच्याकडे लसूण चालत असेल तर नक्की घालून बघा.लसूण घातल्यामुळे लोणच्याला छान चव येते.
3) कडकडीत तेल गरम झाल्यानंतर लगेच त्यात लसूण घालू नये. कडकडीत गरम तेलात लसूण टाकला तर लसूण खूप लालसर होतो.लसूण करपू शकतो आणि वरुन लाल आतुन कच्चा हि राहतो त्यामुळे लोणच्याची चव बिघडते.
कच्च्या लसणा मुळे लोणचं लवकर खराब होत.
4) तेल 30% थंड झाल्यावरच तेलात हिंग आणि लसूण घालायचा.
लसूण घातल्यावर तेल वरती येते म्हणजेच लसूण तेलात छान तळला जातो तो कच्चा राहत नाही.
तेल थोडं शांत झाल म्हणजेच समजायचं कि लसूण छान खमंग तळला गेलेला आहे.
5) आता लसूण तळून झाल्यावर तेलात मोहरी डाळ, हळद आणि मिरची पावडर घालावे. इथे मिरची पावडर (Optional) आहे. तुम्हाला नसेल घालायची तरी नाही घातली तरी चालेल. आपण इथे तयार लोणचं मसाला वापरला आहे. तुम्ही घरी बनवून ही वापरू शकता. हल्ली एवढा वेळ कोणाकडे नसतो. करायची खूप इचछा असते पण वेळ नसतो आणि लोणचे मसाला easily मार्केट मध्ये मिळतात. तेवढाच वेळ हि वाचतो आणि आपल्याला घरच्या घरी preservatives न वापरता लोणचं हि बनवता येत. इथे मी बेडेकर लोणचे मसाला वापरला आहे. तुमच्याकडे जो मसाला उपलब्ध असेल तो तुम्ही वापरू शकता.
लोणचे मसाला आणि मीठ घालून तेलाचं मिश्रण मिक्स करुन 5-6तास
तेल पुर्णपणे थंड करून घ्यायचं.
Step 6
ज्या भरणी मध्ये लोणचं ठेवणार आहात ती भरणी स्वच्छ धुवून उन्हात सुकवून घ्यावी.ऊन नसेल तर फॅन घाली सुकवून घ्यावी. भरणी कुठेही ओलसरं नसावी.

टीप - भरणी ओलसर राहयली तर लोणच्याला लगेच बुरशी येते.

Step 7
1) कैरीच्या फोडी छान सुकवून झाल्यावरच त्यात थंड झालेल तेल घालावे. कैरीच्या फोडीना तेल लावून झाल्यावर लोणचं भरणीत भरताना खाली थोडं मीठ घालावे. मीठ घातल्यामुळे लोणचं बराच काळ टिकते.लोणचं भरणीत भरुन झाल्यावर भरणीचं झाकण लावून त्यावर कपड्याने बांधून भरणी हवाबंद जागेत ठेवावे.
इथे आपल 1किलोच्या प्रमाणात लोणचं बनवून तयार आहे.
2-3 दिवसांनी लोणचं हालवून घ्यावे.

टिप - लोणच्यामध्ये कुठलाही चमचा घालताना तो कोरडा करून घ्यावा.
ओलसर चमचा घातला तर लोणचं लवकर खराब होत.

कैरी लोणच्या ची रेसिपी आवडली असेल तर ओळख एका अन्नपूर्णा किचन ची या Youtube Channel ला Like Share & Subscribe करायला विसरु नका.