To Wan Jisu Ba-ieid || LB 180 - Bani & Saiñ

To wan Jisu ba-ieid
Ha ki dohnud jong ngi
Ngi kwah hir-hir ïa Me
Ban wan synshar marwei
To wan to rah ha ngi
Ki jingaiei jong Me
To ai ka jingaiei
Ban ieid shitrhem ïa Me.

Jisu jong ngi shisien
Me shong ha ka pyrthei
Bad Me la ong bunsien
Ïa ki khynnah barit
To shah kin wan sha nga
Ngi ngeit kata ka ktien
Sha Me ngi wan ko Trai
Jingieid bym lah ban lip.

Ha khmih mynta Jisu
La ki dohnud ngi ai
To piam to kdup ïa ngi
Ha ki thapniang jong Me
Ha la ka sngi to ai
Mynsiem sha Me kin phai
Ban ieid kylliang ïa Me
Ban pdiang bad ïaimane.

Ale, to wat slem shuh
Pynkloi ban hiar sha ngi
La khreh ïa ki dohnud
Ba dap ba shlei jingieid
To wan pynlong ïa ngi
Bad Me tang shitylli
To ri ïa ka mynsiem
Shaduh ki bymjukut.