O'ZBEKISTON, OSMONGA PARVOZ QILGAN AVLIYO... Ziyorat ham ibodatdir...

2021 yil 9 fevraldagi “O‘zbekiston Respublikasida ichki va ziyorat turizmini yana-da rivojlantirish chora-tadbirlari to‘g‘risida”gi 6165-son Prezident Farmoni, 2021 yil 24 fevraldagi “Ichki va ziyorat turizmini rivojlantirish bo‘yicha qo‘shimcha chora-tadbirlar to‘g‘risida”gi 100-son Vazirlar Mahkamasi qarori Vazirlar Mahkamasi qaroriga muvofiq Shayx Umar Valiy ziyoratgohi restovratsiya qilinishi ro‘yxatga olingan,

Hazrati Shayx Umar Bog‘istoniy – Umar Ibn Xattob (r.a) avlodidan ekanlar. Arabistondan Bog‘iston qishlog‘iga kelib, shu yerda muqim bo‘lib qolib, dehqonchilik va bog‘dorchilik bilan shug‘ullangan ekanlar. Ayollari asli Termizdan, Sayid avlodidan bo‘lib, ismlari Qurbonjon bo‘lgan. Shayx Umar Valiyning qabrlari Bog‘iston qishlog‘ida.

Hazrat Shayx Umar Bog‘istoniy to‘g‘risida, Hazrati Xoja Axror Vali o‘z nasabnomasida quyidagilarni bayon etgan: Shayx Xasan Parrandaning - Hazrat Shayx Umar onasidan 2 o‘g‘il va 1 qizi bo‘lgan. Katta o‘g‘li Shayx Umardir, kichigi Shayx Muhammad Parrandadir. Qizlari Tog‘ayi Bichadir (qora soch). Demak Shayx Umar Bog‘istoniyning 1 ukalari va singillari bo‘lgan ekan. Lekin ular haqida maʼlumot topa olmadik.

Manbalarga nazar tashlasak, Hazrati Xoja Ahror Valiy xam onalari jihatidan shu avlodga mansub bo‘lganlari qayd etilgan, yaʼni Onalari Shayx Dovudning qizi bo‘lgan ekan. Xoja Dovud esa Xovandi Toxurning (Shayxontoxurning) o‘g‘illari. Shayxontoxur esa - Shayx Umar Bog‘istoniyning farzandidir.

Muhammad Solixxo‘janing “Tarixi jadidayi Toshkand” asarida, Umar Bog‘istoniyning nasabnomasi, uning avlodi hisoblangan Xumson ota xojalari qo‘lida saqlanvotganligi bayon etiladi. Unga qo‘ra 19-asrgacha bo‘gan davrda bu avloddan 29 ta shayx, 7 ta sudur, 5 ta naqib (sardor), 2 ta qozi, 3 ta shayxur (rais), 1 ta oxund va 6 ta mudarris yetishib chiqqan.