កន្លែងទាំង១០ ក្នុងខេត្តកោះកុងភ្ញៀវទេសចរណ៍, 10 places in Koh Kong province tourists

កន្លែងទាំង១០ ក្នុងខេត្តកោះកុងភ្ញៀវទេសចរណ៍, 10 places in Koh Kong province tourists

ខេត្តកោះកុង ជាខេត្តមួយដែលទាក់ទាញភ្ញៀវទេសចរណ៍យ៉ាងខ្លាំង ដោយសារខេត្តមួយសម្បូរទៅដោយ តំបន់ទេសចរណ៏បែបធម្មជាតិ ជាពិសេសមានឆ្នេរសមុទ្រស្អាតៗ ខាងក្រោមនេះ កន្លែងទេសចរណ៍ទាំង១០ ក្នុងខេត្តកោះកុង ដែលទាក់ទាញភ្ញៀវទេសចរណ៏ខ្លាំងបំផុត ដែលអ្នកមិនគួរមើលរំលង នៅពេលអ្នកទៅលេងក្នុងខេត្ដមួយនេះ។

១ ទឹកធ្លាក់តាតៃ ៖ គឺជាគោលដៅទេសចរណ៍ដ៏សំខាន់មួយ។ទឹកធ្លាក់តាតៃ គឺមានតំបន់ រមីយដ្ឋាន ដែលមានខ្យល់អាកាស និងទេសភាព បរិសុទ្ធ ដែលស្ថិតនៅភូមិតាតៃ ឃុំតាតៃ ស្រុកកោះកុង ខេត្តកោះកុង។

២ កោះស្តេច ៖ អ្នកអាចគយគន់ទេសភាពនៅថ្ងៃលិចដ៏ស្រទន់ ព្រមជាមួយឆ្នេរសមុទ្រដ៏សក្បុសជាពិសេសទឹកសមុទ្រដ៏ខៀវស្រងាត់ផងដែរ។

៣ ឆ្នេរនេសាទ ៖ ឆ្នេរភូមិនេសាទគឺជាតំបន់លំហែកាយមួយ ដែលមានសម្រស់ធម្មជាតិដ៏ស្រស់បំព្រង និងមានឆ្នេរសមុទ្រសម្រាប់ភ្ញៀវទេសចរងូតទឹក និងសម្រាកកាយផងដែរ។

៤ ឆ្នេរផ្កាយ៧ ៖ ឆ្ឆ្នេរខ្សាច់ស ទឹកថ្លាមើលឃើញដី ទេសភាពក៏ស្អាត ហើយស្ងប់ស្ងាត់ទៀត ឆ្នេរនេះស្ថិតក្នុង ឃុំកោះស្តេច ស្រុកគីរីសាគរ ខេត្តកោះកុង ។

៥ ពាមក្រសោប (ព្រៃកោងកាង) ៖ សហគមន៍តំបន់ការពារធម្មជាតិ ពាមក្រសោប ស្ថិតក្នុងភូមិបាងកាយ៉ាក ឃុំពាមក្រសោប ស្រុកមណ្ឌលសីមា ខេត្តកោះកុង មានចម្ងាយប្រមាណ ៧ គ.ម ពីក្រុងខេមរភូមិន្ទ ភ្ញៀវទេសចរជាតិ អន្តរជាតិទាំងអស់ អាចធ្វើដំណើរទៅកាន់តំបន់នេះ ដោយចំណាយពេលត្រឹមតែ ២០ ទៅ ២៥ នាទីប៉ុណ្ណោះ ។

៦ ឆ្នេរបារាំង ៖ ឆ្នេរមួយនេះស្ថិតក្នុងឃុំជ្រោយប្រស់ ស្រុកកោះកុង ខេត្តកោះកុង។

៧ ភ្នំម្រេចកង្កែប អារ៉ែង ខេត្តកោះកុង ភ្នំម្រេចកង្កែប ជាឋានសួគ៌ធម្មជាតិ ស្ថិតក្នុងតំបន់អារ៉ែង នៃឧទ្យានជាតិ ជួរភ្នំក្រវាញខាងត្បូង ស្ថិតក្នុងភូមិសាស្ត្រ ខេត្តកោះកុង (សហគមន៍ អេកូទេសចរណ៍ តំបន់ស្ទឹងអារ៉ែង)។

៨ តំបន់ជីផាត ៖ «ជីផាត» ជាតំបន់សហគមន៍អេកូទេសចរណ៍ដ៏ប្រណីតមួយស្ថិតនៅក្នុងឃុំជីផាត ស្រុកថ្មបាំង ខេត្តកោះកុង ដែលមានភាពទាក់ទាញភ្ញៀវទេសចររាប់រយនាក់នៅក្នុងមួយថ្ងៃៗ ឱ្យទៅលេងនៅទីនោះ។

៩ កោះស្រឡៅ ៖ កោះស្រឡៅ ស្ថិតក្នុងខេត្តកោះកុង ដែលយើងអាចធ្វើដំណើរតាមរយះទូកទេសចរណ៍ពី ស្ពានតាតៃដោយប្រើពេលជាង២ម៉ោង ឬ កន្លះម៉ោងដោយជិះអូប័រ តាមដងព្រៃក ដែលមានព្រៃកោងកាងទើបបានទៅដល់កោះស្រឡៅ
កោះស្រឡៅមានសហគមន៍មួយមានឈ្មោះថា សហគមន៍
កោះស្រឡៅ ។

១០ ឆ្នេរកោះកុងក្រៅ ៖ ឆ្នេរកោះកុងក្រៅ ស្ថិតក្នុងភូមិកោះកាពិ ឃុំជ្រោយប្រស់ ស្រុកកោះកុង ខេត្តកោះកុង មានចំងាយប្រមាណ ៣០ គ.ម ពីក្រុងខេមរភូមិន្ទ ភ្ញៀវទេសចរជាតិ អន្តរជាតិទាំងអស់អាចធ្វើដំណើរទៅកាន់តំបន់នេះបានតាមរយៈផ្លូវទឹក ដោយចំណាយពេលប្រមាណ ៤០នាទី ទើបដល់កោះដ៏ធំមួយនេះ។

Cambodia Beach resorts,
cambodia top 10 places to visit,
Cambodian Street Food Tour,

Facebook: https://www.facebook.com/profile.php?...
Tik Tok:   / newsharing