#ព្រះបន្ទូលនៃសេចក្ដីពិតសម្រាប់ថ្ងៃអង្គារ៍

#ចំណងជើងវីដេអូ៖ «"ឡាលីអា" របស់ព្រះគ្រីស្ទ» The “Lalia” Of Christ

#រៀបរៀងឡើងដោយ Pastor Chris

#ព្រះបន្ទូលនៃសេចក្ដីពិតសម្រាប់ថ្ងៃអង្គារ៍ ទី១៧ ខែកញ្ញា ឆ្នាំ២០២៤។

«"ឡាលីអា" របស់ព្រះគ្រីស្ទ» The “Lalia” Of Christ

#អត្ថបទព្រះបន្ទូលដកស្រង់នេះរៀបរៀងឡើងដោយ Pastor Chris បង្រៀនអំពី «ជីវិតដ៏អស់កល្ប»

« ហេតុ​អ្វី​បាន​ជា​អ្នក​រាល់​គ្នា​មិន​យល់​សំដី​ខ្ញុំ គឺ​មក​តែ​ពី​ស្តាប់​ពាក្យ​ខ្ញុំ​មិន​បាន​ប៉ុណ្ណោះ» (យ៉ូហាន ៨:៤៣)។

ពាក្យ​ពីរ​ដែល​បាន​ប្រើ​នៅ​ក្នុង​ខគម្ពីរ​ដំបូងរបស់​យើង​អាច​មើល​ទៅ​ដូច​ជា​ពាក្យ​មានន័យ​ដូច​គ្នា ។ ប៉ុន្តែវា​មាន​ភាព​ខុស​គ្នា​ដ៏​គួរ​ឲ្យ​កត់​សម្គាល់​រវាង​ពាក្យទាំងពីរនេះ « ពាក្យសំដី» (ភាសាក្រិច៖ ឡាលីអា) និង «ព្រះបន្ទូល» (ភាសាក្រិច៖ ឡូហ្គោ) Logos ជាកន្សោម​ពាក្យ​ទូទៅ​ប្រ​ពាក្យ «ព្រះបន្ទូល» “កាល​ដើម​ដំបូង​មាន​ព្រះបន្ទូល ព្រះបន្ទូល​ក៏​គង់​នៅ​ជា​មួយនឹង​ព្រះ ហើយ​ព្រះបន្ទូល​នោះ​ឯង​ជា​ព្រះ” (យ៉ូហាន ១:១)។

ឡូហ្គោសរួមបញ្ចូល​មាន​ ពាក្យសំដី គំនិត អាយឌៀ និងព្រះរាជ្យសារ។ ដូច្នេះ វាគឺជាខ្លឹមសារនៃព្រះរាជ្យសារ។ យ៉ូហាន 1:14 ប្រាប់យើងថា ព្រះបន្ទូល ឬ Logos ​ក៏​ត្រឡប់​ជា​សាច់​ឈាម។ ហើយនោះគឺជាព្រះយេស៊ូវគ្រីស្ទ គឺគំនិតរបស់ព្រះ របៀបគិតរបស់ព្រះត្រូវបានផ្ទុកនៅក្នុងទ្រង់។

ផ្ទុយទៅវិញ​ “ឡាលីអា” ពិពណ៌នាអំពីស្ទីលនៃការនិយាយ។ វាជារបៀបនិយាយនូវអ្វីដែលអ្នកនិយាយ។ វាអាចត្រូវបានធ្វើឡើងដោយ កាយវិការ ការប្រាស្រ័យទាក់ទងជាភាសា គ្រាមភាសា ឬការបញ្ចេញសំឡេង។ ព្រះយេស៊ូ​មាន​ព្រះបន្ទូល​ទៅ​កាន់​ពួក​ផារិស៊ី និង​ជន​ជាតិ​យូដា នៅ​ពេល​ដែល​ពួក​គេ​ត្រូវបាន​ទ្រង់សួរ​ថា៖ « ហេតុ​អ្វី​បាន​ជា​អ្នក​រាល់​គ្នា​មិន​យល់​សំដី​ខ្ញុំ គឺ​មក​តែ​ពី​ស្តាប់​ពាក្យ​ខ្ញុំ​មិន​បាន​ប៉ុណ្ណោះ» (យ៉ូហាន 8:43) ពួកគេ​មិន​បាន​យល់​ពី​ការ​ប្រាស្រ័យ​ទាក់ទង​របស់​ទ្រង់ (Lalia) ដោយ​សារ​ពួកគេ​មិន​អាច​យល់​ពី​ព្រះបន្ទូល​របស់​ទ្រង់ (Logos)។

ប្រសិនបើអ្នកមើល យ៉ូហាន 11:11-14 នៅពេលទ្រង់មានបន្ទូលទៅកាន់ពួកសិស្សរបស់ទ្រង់ថា ក្រោយ​ដែល​ទ្រង់​មាន​ព្រះបន្ទូល​សេចក្តី​ទាំង​នេះ​ហើយ នោះ​ក៏​មាន​ព្រះបន្ទូល​ទៀត​ថា ឡាសារ ជា​សំឡាញ់​យើង គាត់​បាន​ដេក​លក់​ទៅ​ហើយ ខ្ញុំ​ទៅ​ដើម្បី​នឹង​ដាស់​គាត់​ឡើង ដូច្នេះ ពួក​សិស្ស​ទូល​ថា ព្រះអម្ចាស់​អើយ បើ​គាត់​ដេក​លក់ នោះ​គាត់​នឹង​បាន​ជា​វិញ ឯ​ព្រះយេស៊ូវ ទ្រង់​មាន​ព្រះបន្ទូល​ពី​គាត់​ស្លាប់​ទេ តែ​គេ​ស្មាន​ថា ទ្រង់​មាន​ព្រះបន្ទូល​អំពី​គាត់​គ្រាន់​តែ​ដេក​សំរាក​ប៉ុណ្ណោះ ព្រះយេស៊ូវ​មាន​ព្រះបន្ទូល​ទៅ​គេ​យ៉ាង​ច្បាស់​ថា ឡាសារ​ស្លាប់​ហើយ។

ព្រឹត្តិការណ៍​ស្រដៀង​គ្នា​នេះ​បាន​កើត​ឡើង​ពេល​ព្រះយេស៊ូ​វទៅ​ផ្ទះ​របស់​លោកយ៉ៃរ៉ុស។ កូនស្រីគាត់ដែលទើបតែស្លាប់ ព្រះគម្ពីរប្រាប់ថា ឯ​មនុស្ស​ទាំង​អស់ គេ​កំពុង​តែ​យំ​សោក​សង្រេង​នឹង​នាង តែ​ទ្រង់​មាន​ព្រះបន្ទូល​ថា កុំ​យំ​អី នាង​មិន​មែន​ស្លាប់​ទេ គឺ​នាង​ដេក​លក់​ទេ​តើ គេ​ក៏​សើច​ចំអក​ឲ្យ​ទ្រង់ ដ្បិត​គេ​ដឹង​ថា នាង​ស្លាប់​ពិត​មែន» (លូកា ៨:៥២-៥៣)។

មនុស្ស​មិន​បាន​យល់​ពី « Lalia » របស់​ទ្រង់​ទេ ដោយសារ​ពួកគេ​មិន​អាច​យល់​ពី​ព្រះបន្ទូលរបស់​ទ្រង់។ ប្រសិនបើពួកគេដឹងថា នរណាជាព្រះបន្ទូល “​ខ្ញុំជា​សេចក្តី​រស់​ឡើង​វិញ ហើយ​ជា​ជីវិត អ្នក​ណា​ដែល​ជឿ​ដល់​ខ្ញុំ ទោះ​បើ​បាន​ស្លាប់​ហើយ គង់​តែ​នឹង​រស់​ឡើង​វិញ​ដែរ” (យ៉ូហាន ១១:២៥)។ វាសំខាន់ណាស់ដែលអ្នកត្រូវយកចិត្តទុកដាក់ចំពោះកិច្ចបម្រើផ្សាយនៃព័ន្ធកិច្ចព្រះបន្ទូល និងព្រះវិញ្ញាណបរិសុទ្ធនៅក្នុងព្រះរាជ្យដំណាក់របស់ព្រះ។ នោះហើយជារបៀបដែលអ្នកត្រូវតែបង្រៀន ហ្វឹកហាត់ និងអប់រំចំពោះព្រះរាជ្យសាររបស់ព្រះគ្រីស្ទ។ ព្រះរាជ្យសារនោះផ្តល់ឱ្យអ្នកនូវភាសា ឬពាក្យថា " Lalia " របស់ព្រះគ្រីស្ទ។

#សេចក្តីអធិស្ឋាន
ឱព្រះវរបិតាជាទីគោរពអើយ កូនសូមអរគុណចំពោះព្រះបន្ទូលរបស់ទ្រង់ដែលតែងតែបីបាច់ព្រលឹងវិញ្ញាណរបស់កូន។ ដោយធ្វើឲ្យកូនលូតលាស់ឡើងនៅក្នុងវប្បធម៌នៃសេចក្ដីជំនឿនៃនគរព្រះ។ ព្រះ​បន្ទូល​តែងតែប្រទាន​ភាសា​និយាយដែល​ ​ច្បាស់ៗ​ពី​សេចក្ដី​ពិត​របស់​ទ្រង់។ បន្ថែមទៀតនា ព្រះ​បន្ទូលក៏បានបង្កើតទស្សនៈការគិតបែបឈ្នះៗនៅក្នុងកូនផងដែរ។ កូនសូមអធិស្ឋាននៅក្នុងព្រះនាមព្រះយេស៊ូវគ្រីស្ទ អាម៉ែន។

#ការសិក្សាបន្ថែម៖ យ៉ាកុប 1:22 ម៉ាថាយ ១៣:១៣ សុភាសិត ៤:៧(ការកើតជាថ្មីកម្ពុជា)