Скачать или смотреть 宣萱澄清並非患病 稱做下顎矯正而變瘦

宣萱澄清並非患病 稱做下顎矯正而變瘦

向來鍾意飲飲食食嘅宣萱，笑言滿足味蕾後人都會開心啲，呢日佢出席日本清酒活動，仲可以喺活動上大快朵頤，佢當然開心啦！

宣萱之前出席活動後，就畀朋友話佢太瘦，仲誤會佢身體抱恙，呢日宣萱就澄清自己身體棒棒的，瘦咗嘅原因只係因為早前睇牙醫時，對方發現佢顎骨有少少偏側，所以建議佢去治療。宣萱表示睇完醫生先知顎骨會影響呼吸、外貌、眼睛大細等，而醫生同佢講，治療完後面部會變瘦、輪廓會更突出。宣萱指做完治療後發現自己血液流通得更好，而淋巴等都變得唔再痛，佢笑言自己因而學識咗新知識。

出席完呢日活動，宣萱就開始放大假，準備佢疫情後嘅首個外遊之旅，同朋友一口氣去韓國、日本、泰國等4個地方玩。講起呢個trip嘅機票，宣萱就話係買電視嘅贈品，佢話：「買咗一部電視咋！就送咗一部電話、兩張來回機票同一個網上頻道會員。」宣萱仲話聽到啲贈品嘅時候，自己都覺得相當驚訝，仲叫大家要做一個精明嘅消費者呀！

#宣萱 #日本 #矯正下顎 #機票 #電話 #贈品 #韓國 #日本 #泰國 #旅行 #放大假 #精明消費 #TVB #娛樂新聞 #TVB娛樂新聞台 #ENews #HKENews #香港娛樂八卦新聞 #八卦新聞

即刻Follow TVB 娛樂新聞台 Facebook專頁
  / tvbenews  

登入myTV SUPER享受睇TVB自製節目7日包括娛樂新聞的免費點播
https://bit.ly/2TXLlM0