اغنيه العريس ،، عبدالله بن سالم بن علي بيت سليم

( نسل السليم)

شل بالصوت ياحليله غردي
ومدحي لي عبدالله نسل السليم

بابدي بك ياكريم رب السماء
يا الهي نرتجي منك العطاء
ولد سالم ليلته فرح وهناء
والمسرة بينهم ربي تديم

ياحليله مدحنا فيهم وجب
ولد سالم عبدالله عز ونسب
معدن الزين و المروة والادب
ذاع صيته في الملا شهم و حشيم

طاق حظه عبدالله لي جنى اللول
بنت عجزون غاليه بنت الاصول
درة الماس مدحنا فيها يطول
حافظ عليش عين ربي ماتنيم

الوالدة يا سلاسل الذهب
والسبايك من رغمها قد كذب
ام سعيد منهو عرفها قد كسب
وجه الرضى نمدحش خير الحريم

محزم الخير والسند قلته سعيد
وان جيت سامي تلاقي ماتريد
واحمد الزين في فعاله له نشيد
واما علي ولد سالم هو كريم

قلت خالد طيبته دايم سميح
واما عمر الشجاعه هو صريح
ومحمد ان وعد قوله صحيح
عيال سالم مايخافون الغريم

نمدح الزين التمايم الكبار
لي صيتهم في نواحيها ظفار
نسل السليم الوجاهه والوقار
في مجالس السلاطين من قديم

بيت حبظه مدحنا فيهم يزين
نبع الكرم والمعاني من سنين
بيت حبظه لي كما الكنز الثمين
دوم غالي خصهم ربي العظيم

والخاتمة بطلبك ياربنا
ولد سالم عبدالله زيده غنا
ديم الفرح والمحبه بيننا
والعافيه والسعاده يارحيم
================
كلمات والحان/عمر سالم طوازيز
غناء/ جاسم جمعان الجبلي
كورال/صامد بوسلاسل+ أكرم النوبي
توزيع وتنفيذ موسيقي/ أ. مستهيل الكلالي
تم التسجيل في استديو/ حس ونغم
أغنية برعه/ عبدالله بن سالم بن علي بيت سليم