Скачать или смотреть ಮೈಸೂರಿನಿಂದ ಮಡಿಕೇರಿಗೆ - ಅಬ್ದುಲ್ ರಶೀದ್ # Mysore to Madikeri# NEP # ಕನ್ನಡ ಶ್ರಾವಣ ೩

ಮೈಸೂರಿನಿಂದ ಮಡಿಕೇರಿಗೆ - ಅಬ್ದುಲ್ ರಶೀದ್

ಕವಿ ಪರಿಚಯ:-
*ಹೆಸರು*: ಅಬ್ದುಲ್ ರಶೀದ್

*ಜನನ*: 1965

*ಸ್ಥಳ*: ಸುಂಟಿಕೊಪ್ಪ (ಕೊಡಗು)

*ತಂದೆ*: ಇಸ್ಮಾಯಿಲ್ ತಾಯಿ: ಫಾತಿಮಾ

*ಕೃತಿಗಳು*: ಹಾಲು ಕುಡಿದ ಹುಡುಗ, ಪ್ರಾಣಪಕ್ಷಿ, ಈ ತನಕದ ಕಥೆಗಳು, ನನ್ನ ಪಾಡಿಗೆ ನಾನು, ಅಲೆಮಾರಿಯ ದಿನಚರಿ, ಹೂವಿನ ಕೊಲ್ಲಿ ಇತ್ಯಾದಿ

*ಪ್ರಶಸ್ತಿಗಳು*: ಕೇಂದ್ರ ಸಾಹಿತ್ಯ ಯುವ ಲೇಖಕ ಪ್ರಶಸ್ತಿ, ರಾಜ್ಯ ಸಾಹಿತ್ಯ ಅಕಾಡೆಮಿ ಗೌರವ , ವರ್ಧಮಾನ ಪ್ರಶಸ್ತಿ, ಲಂಕೇಶ್ ಪ್ರಶಸ್ತಿ..

ಆಕರ ಕೃತಿ: ನರಕದ ಕೆನ್ನಾಲಿಗೆಯಂತಹ ನಿನ್ನ ಬೆನ್ನ ಹುರಿ

ಆಶಯ

ಪ್ರಸ್ತುತ ಕವಿತೆಯನ್ನು ಅವರ 'ನರಕದ ಕೆನ್ನಾಲಿಗೆಯಂತಹ ನಿನ್ನ ಬೆನ್ನ ಹುರಿ' ಎನ್ನುವ ಕವನ ಸಂಕಲನದಿಂದ ಆಯ್ದುಕೊಳ್ಳಲಾಗಿದೆ. ಕವಿ ಅಬ್ದುಲ್‌ ರಶೀದ್ ಅವರು ಕೊಡಗಿನಲ್ಲಿ ಪಿಯುಸಿ ಮುಗಿಸಿ ಮೈಸೂರಿನ ಮಹಾರಾಜ ಕಾಲೇಜಿನಲ್ಲಿ ಪದವಿ ಕಲಿಯಲು ಬಂದಾಗ ಬರೆದ ಕವಿತೆ ಇದಾಗಿದೆ.ಬಾಲ್ಯದಲ್ಲಿ ಅನುಭವಿಸಿದ ಪರಿಸರದ ಸೊಗಡು, ಪ್ರಾದೇಶಿಕ ಭಿನ್ನತೆಗಳು, ಅಧುನಿಕತೆಯ ಭರಾಟೆ, ನಿಸರ್ಗದ ಸಹಜತೆ, ನಗರ ಜಗತ್ತಿನ ಅಸಹಜತೆಗಳನ್ನು, ಕೃತ್ರಿಮತೆಯನ್ನು ವಿವರಿಸುವುದಕ್ಕೆ ಕವಿ ಹುಡುಗಿಯೊಬ್ಬಳನ್ನು ಸಾಕ್ಷಿಪ್ರಜ್ಞೆಯಾಗಿಟ್ಟುಕೊಂಡು ಕವಿತೆಯನ್ನು ಬೆಳೆಸಿರುವುದು ಮನೋಜವಾಗಿ ಮೂಡಿಬಂದಿದೆ.

ಕವಿತೆ:-

ಇಲ್ಲಿ ಹಸಿರೋ ಹಸಿರು ಹುಡುಗಿ ಕತ್ತರಿಸಿಟ್ಟಂತೆ ಕಾಡುಗಳು, ಮರಗಟ್ಟಿದ ಹಾಡುಗಳು, ಬೆಳ್ಳಂಬೆಳಗ್ಗೆ ಕುಕ್ಕರಕೆರೆ ನೀರು ಬಾತುಗಳ ನಿಶ್ಚಲ ದಾರಿಗಳ ನೆನಪ ಮಾಲೆಗಳು ಸ್ವಯಂಸೇನೆಯ ಮರದ ಸಾಲುಗಳು.

ಇಲ್ಲಿ ಬೆಳ್ಳಂಬೆಳಗ್ಗೆ ಮಂಜು ಮುಸುಕುವುದಿಲ್ಲ ಕಣೇ, ಹಂಚು ಮಾಡಿನ ಸಂಧಿಗೆ ಹೊಗೆ ಏಳುವುದಿಲ್ಲ. ಕೊಕ್ಕರಿಸುವುದಿಲ್ಲ ಕೋಳಿಗಳು, ನನ್ನ ಉಮ್ಮನ ಊದುಕೊಳವೆಯ ರಾಗಗಳು, ಜೀಕುವ ತೊಟ್ಟಿಲಿಗೆ ಶೃತಿ ಹಿಡಿವ ಶಾಲೇಲಗಳು, ಡೇಲಿಯಾ ಹೂಗಳ ಅರಸುತ್ತಾ ಹಾಡುವುದಿಲ್ಲ ಕಣೇ ಹುಡುಗಿಯರು ನಿನ್ನಂತೆ. ಬಟ್ಟಲುಗಣ್ಣು ತುಳುಕಿ ಅವರ ತುಟಿ ಕೊಂಕುವುದಿಲ್ಲವೇ ಇಲ್ಲ, ಇವರು ನಕ್ಕಾಗ ಮುಂಜಾನೆಯ ಹನಿಮುತ್ತು ಗರಿಕೆ ಬಿಟ್ಟಿರುತ್ತದೆ ಕಣೇ.

ಇಲ್ಲ ಇಲ್ಲಿ ಬೆಟ್ಟಕ್ಕೆ ಕಾಡು, ಮರದ ತುದಿ ಮೋಡ ಮುತ್ತಿರುವುದಿಲ್ಲ ಹುಡುಗೀ, ಚಾಮುಂಡಿ ಮೈಯಲ್ಲಿ ಬರೆ ಕಾರೆ ಮುಳ್ಳು, ಒರಟು ಕಲ್ಲು. ಹರಿವುದಿಲ್ಲ. ಕಣೇ ಜುಳುಜುಳು ತೊರೆ, ಹೊಳೆವ ಬಿಳಿ ಜೇಡ ಬಲೆ, ಕುಣಿಕೆ ತಪ್ಪಿಸಿ ಕುಣಿವ ಕರು ಚಂಗನೆ ಚಿಮ್ಮುವುದಿಲ್ಲ ಹುಡುಗೀ...