رايس حماد امنتاك - بوسالم / لقيصت ئي ئخف ئنو(س ئواليون) amarg aqbor & lyrics

#amarg_amazgh_n_souss #tachlhit_music #tifinagh_alphabet_song تيغري س ؤسّفلد د ئزري غ ؤماركَ ئدّرن
رايس حماد امنتاك
الله يعاون ئسلمك ئنجيك ايك لواجب
الله عاون ات اتادلا لحباق أن د ئكان
ويكي ن بيت لله لحرام ؤر بالانت
أيان ؤتبير ئجلا غ دونيت لاحاسن
ماد ئتكيوير ئكا أمزووك ئي تكامينس
أس مقار أ يالا د ؤمزووك ن تكامينس
ئما يان مون ئدر ؤسكاس أور ئتندم
ئقاند ئغ داغ ئكرز أينموقور د صابت
لقيصت أيخف ئنو ماموتن تعاوادغ
ئغ نقيص تامارا نو كيوان ئزرا تينس
أحينو أركيغ ئكيكيل نكا واحدويانغ
ؤر نطاف بابا والا ئمي ؤلا أدجار ئنو
ؤلا تاكمات اح أخوتي وايهايانغ
مقار أنشي لوز ؤلا طاجين د لخالص
ئغ ؤر نفيل بابا ؤلا ئمي تياهوالغ
أح أيايكان ئكيكيل ؤر ئكا أد سول ئفغ
ئنا غن كا ساولن ناناس أمز ئمينك
مقار اك كان لقاضي
هان اك باباس مقار نيت ئتاهل ئريتن
تالي مود ؤر ئكي تاسا كات ئتهووالن
أد ؤكان سكوسن ف ئمنسي جمعاناسن
ؤلله أفلان أيويك أر ئكا أعداوينو
ئنيي تريت أت ضيت أويك جلوتين
ؤكان يامزاس أفوس ئضيت ئد ئتكمينس
ماراكيسن ئسقسا كيغ ئسافر ئجلونيت
ؤر أد أس لاح نيك اتاسا ليغد ئسوتل
أهان أكما ماس ئي يان أت ئتحوبون كر ميدن
ئما لاهل ن باباس ئس ئرا أترز أكبال نس
اح اواك واك ئزضا داغ ؤمارك ؤلينو
اح اواك اواك ئزضا داغ ؤمارك ؤليون
غيكاد زضانت ترباتين ازار كر والن
اح اواك واك ئزضا داغ ؤمارك ؤلينو
مشك لي زضانت تميزار اغاراس
اح اواك اواك ئزد اد الاغ ارد اسالغ
ئروموين ئما احبيب ؤراتن تهوالغ
ئمربا افلالايس دا ئستاران كر ئماون
اويد لاخبار ئي تعيالين ئس هنانت
اسول غمانت لحنا غ ئغكوميتن
اسيدي زوين شيخ ن طلبا نغراياون
ئناغ ؤر تلام اطلبا هاتي نبراتن
اديس كيس حرمن وامان ؤلا لارزاق ئنو
مادانغ ئحلان ئح نمون ئبلا طالب
مادانغ ئحلان نيكاح ئبلا طالب
اداغ نغر اوا امولاي براهيم بوسالم
كيي كايكان ئي لمنشور لي جو ؤر ئفاغن
تفوس ئي واساسن زا ياناتن ئتجاحادن
مار ئغلين ار ئكنوان ئضرد س ئكالن
امار ئغلين ار ئكنوان ئضرد س ئكالن
اييسان مانيغ ئكا ربي باب ن ؤمارك
ؤر ئكيس تاغوفي ن ؤكنوت ئبل ئكيدر
ؤر ئكيس تاغوفي ن ؤجاريف ئيل ئكيدر
ؤر ئكيس تاغوفي ن ؤمحضار ئبلا طالب
ؤر ئكيس تاغوفي ن ؤساراك ئبلا تاتن
ؤرام ئكس اتاسانو اغدجاج ئبلا وينم
كادا د لاجبال د وامان د تميزار د ئسافن
اييك ئكلين اوينو ؤر توغ اجميل نك
اليغ انغ ؤر اتنسام ؤكان ئعدل لخاطر
ايمينو ايمي ازناتييد رضا نونت
اسرس نستارا غ ئكي ن دونيت بناقص
بناقص ن تاجداعين ؤلا ئكيلالن
كويان ئتياعشاقن غ ونبوح هنانت
ئزو وينس ؤكان ئربوتن ارد مقورن
ئما وين دار ميدن ئس استنتيد ئفغ لعاقل
ؤرا تادجامت يان ابنات ايك امومن
مقار ئسوا لحرير ئسودو ف ئحبارين
مقار ئدعا يان ؤكان ئس ئتوب ع لعاقل
ئغيك الورد غ د ؤفوس ن مولاي بناصر
اد ؤكان زرن زين نكيرين د لعاقل
ايان ئتم ئعشاقن تامارا تكا نينس
ئسووري ئواليون ئسكيديت :
محمد وادي
تدوين الموروث الثقافي الغنائي الامازيغي بالمساهمة في اعداد ديوان للشعر الامازيغي مسموع ومقروء :
" تيغري س ؤسفلد د ئزري غ ؤمارك ئدّرن "
اتمنى ان يكون هذا العمل مساهمة بناءة في النهوض بالثقافة الامازيغية وان يكون جسرا بين ماضينا الثري وحاضرنا الواعد ومستقبلنا المشرق ..
مع الشكر الجزيل لكل من شجع وساعد معنويا في انجاز هذه المهمة النبيلة.
تانميرت ئي ئمدوكال د ئمغناسن د ئنغماسن

#taskla_tamazight #littérature_amazigh #chants_amazigh #souss #sud_marocain #smazgh_awal #mdi_awal #amarg #amazigh #belaid #anachad #demsiri #wahrouch #amentag #bizmawn #talbensirte #tabaamrante