DD News Mizoram - Chanchinthar Langsar | 16 July 2024 | 6:30 PM

HEADLINES:

1. Larsap Dr. Hari Babu Kambhampati chu Lai Autonomous District Council (LADC) Chief Executive Member Pu C. Lalmuanthanga chuan Raj Bhavan-ah hmuin, LADC harsatna leh mamawh hrang hrangte a thlen.

2. Mizoram Police chuan thuchhuah siamin Mahindra & Mahindra Financial Services Ltd. (MMFSL) sum tih chingpenna lian ber chungchangah CJM Aizawl hnenah Chargesheet pahnih chu he pawikhawihnaa a bultumtu Jakir Habibur Hussain leh a thurualpui mi 19 lakah theh luh a ni tih an tarlang.

3. Chief Minister Pu Lalduhoma, Mizoram State Policy Coordination Committee Chairman nibawk chuan leiba rulh tur a tam avangin Kuminah 'Bana kaih-Hand Holding Policy' lian takin an kalpui thei dawnlo tih a sawi.

4. Lok Sabha MP Pu Richard Lalhmangaiha 'n Bairabi atanga Sairang inkar Rel kawng siam mek a hmunah tlawhin, Hortoki Railway Station-ah Officer te nen an inkawm.

5. Zoram Peoples' Movement, ZPM Legal Department chuan Mizoram Lok Ayukta Chairman Pu Lalmalsawma hnenah Lok Ayukta a case tangkhang mekte Central Bureau of Investigation, CBI chhui tir tura ngenna an thehlut.

6. Mizo National Front, MNF Media and Publicity chuan thuchhuah siamin ZPM Sawrkarin Kuhva rah tawlhtu an party mite laka mit an la siai khum zel chu bansan turin an duh tih an tarlang.

7. Mizoram State Project Monitoring Committee chuan Cardiology Department, Civil Hopital, Aizawl tihchangtlun mek te, AYUSH Development Centre, MINECO a sak mek leh Establishment of Veterinary Information & Resource Centre, Khatla sak hna kal mek an endik.

8. Zoramdina, Hmuzuala fapa, Durtlang Mualveng, Pathianni tlaia Excavator Operator banreka sattu chu vawiin khan Lawngtlaiah an man tih Lunglei SP Pu J. Lalmuankima chuan a sawi.

9. Prime Minister Narendra Modi chuan Political Leader K Kamaraj-a piancham pualin chibai a buk.

10. Sorkarlaipui chuan vawiin atanga thlawhna leh a engine part zawng zawngah chhiah za zela 5 chawi tawh turin thuchhuah a siam.

11.India chuan nimin khan United Nations Relief and Works Agency, UNRWA hnenah kum 2024-2025 chhunga Palestine raltlante tan dollar maktaduai 2.5 instalment hmasa ber a pechhuak.

12. Home Minister Amit Shah chuan Narco-Coordination Centre (NCORD) thutkhawm vawi 7na neih tur chu a kaihruai dawn.

13. External Affairs Minister Dr. S. Jaishankar chu Mauritius-ah ram pahnih inlaichinna tha zawk neih theih beiseiin a zin.

14. Defence Minister Rajnath Singh chuan Doda district, Jammu and Kashmir-a firfiakte nena inbeihna-a India sipai huaisen boral an awm chu pawi a tih thu a sawi.

15. Civil Aviation Minister Kinjarapu Rammohan Naidu chuan thlawhna hmanga awlsam leh man tlawm zawka zin theihna siam chu sorkar ngaih pawimawh ber a nih thu a sawi.

Follow DD Mizoram:
  / ddnewsmizoram  
  / ddnews_mizoram  
  / ddnewsmizoram